Numeri 14:34 - Mawu a Mulluku

³⁴ Muneerollakiwa wa miyakha 40 ekaamba ya machimwaanyu. Orive muyakha oniimellelleke nllapo nimodda na mallapo ayo mwazondilleenyu ellapo. Muneerodduwella woopiha wiwa kuushellani murima.’

Numeri 14:34 Iomraidhean Croise

1 Mamwene 8:56

“Apwiya etitimiheye, ayo yaavahille athwiiwa wiithuuwa moollikana ni mmo yalonjezilliiwa. Kheyiivo mawu naari amodda yakukureyille va ddeko ddaphaama ddittheddene yalonjezilliiwa voollotani oweella mwa oorumeyellaaye Mose.

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

Masalimo 105:42

Vawi yaahuupuwella lonjezo niwa naweella, wa Abrahamu oorumeyelliiwa.

Masalimo 38:4

Machimwaaka ahunnuwa okikhwaranya miyaano, ennakillemella wonanko katundu ookhwaranya masivaaka.

Masalimo 77:8

Ethiyo echikondiiwa yoohisintheyeelle yoomallesesa? Ethiyo malonjezwiiwa aamallesesa?

Masalimo 95:10

Va miyakha 40 kaananariwana mbado yoolla, sika kaallota wi, “Alla tti athu oohollowa, khenapwatha ettilla ddaka.”

Ezekiele 14:10

Ddawoona, kineerewaallaka. Ollakiwa wa namallotella ni muthu ooveka ezeru wa miyaano onaakhalle emoddamodda.

Ezekiele 23:35

“Sika ekaambiiwa mi Apwiya Mulluku kinalloteemi wi, ‘Vawi wookitiwalla nave wookireya etulli oneerollakiwa ekaamba ya ddoonanara ddawo ni oraruwa wawo.’ ”

Ezekiele 4:5

Kohuuhiyera mallapo 390 ophwanaphwaniha ni miyakha dda machimo a Aisraele. Mmu tti mmo oniireyelleewe machimo a Aisraele.

Ezekiele 4:6

Wamalliha ddenndda orukunuwe okonaatthelle onnattanattani. Kohuuhiyera mallapo 40 ophwanaphwaniha ni miyakha dda machimo a Ayuda.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

Levitiko 20:19

Muhinamurulla mwanamunniwa a amennyu apaalle murokoriwa a attiitthaanyu vawi wenko tti omurulla mbalaanyu. Eelliinaayo eneerophwanella ollakiwa.

Zekariya 11:10

Vatulli viwa kaakusa ekopwaaka yooromolliwa Echisomo kiyinttaka wooniha otathilla echipangano eyo Apwiya yakeraatthihalliiwa ni mitundu ddittheddene dda athu.

Numeri 13:25

Viviralle mallapo 40 yaawaawo woozonda ellapweelle.

Numeri 18:23

Koma Alevi sika enaarumeyelleke mu musasa wamutthukumano nave eneerewiireya machimwiiwa. Nenno nikhalle lamulo wa enthawi yoohimalla wa mibado ddiwa ddittheddene. Alevi ehikhalle ni yoohallana variyari va Aisraele attheene.

Numeri 32:13

Apwiya yahaashella murima Aisraele nave yaaweetiha muchipululuni mulle miyakha 40 ophiyera mbado muttheene oyo weerille ddoonanara vamiitthoni va Apwiya otthollowille.

Mitteko 13:18

Nave wa miyakha 40 ahaavillella yeetiiwa mu echipululu.

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

Aheberi 4:1

Vano lonjezano na Mulluku allotilleeye khallenne na ovollowa munipuroni naye nawiithuuwellamo, nookhallawove. Hankoni nichenjere wi ahikhallevo naari mmodda anooneya wi khavollowillemo mwawiithuuwella.

Yoswa 14:10

Kalebe aavirellella ollotattho wi, “Koma vano voomalla miyakha 45 Apwiya emulleelle khalle Mose ddenndda. Enthawi eyo Aisraele yeetiiwa muchipululuni nave moollikana ni mmo yalonjezelliiwa Apwiya aakisunga miyaano ni okumi, vano kiri ni miyakha 85.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.