Numeri 14:33 - Mawu a Mulluku

³³ Aniinyu eneerokhalla abusa mu echipululu miyakha 40 nave eneerohoowa ekaamba ya ohiroromelleya wanyu ophiyera mumanlle okhwa mu echipululu.

Numeri 14:33 Iomraidhean Croise

Masalimo 107:4

Amodda yaahollowa muchipululuni, woohiyiphwanya ettilla yooya o muzinda wi yakhallemo.

Masalimo 107:40

vaavo Apwiya yahaavevulla awaanyingallella, yaahollosa mu echipululu.

Masalimo 78:33

Sika aaphaddera mallapwiiwa wi erimeelle wonanko mpweya, aakhuveyiha miyakha ddiwa wi ddimallelle mu ddawoopiha.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Ezekiele 23:35

“Sika ekaambiiwa mi Apwiya Mulluku kinalloteemi wi, ‘Vawi wookitiwalla nave wookireya etulli oneerollakiwa ekaamba ya ddoonanara ddawo ni oraruwa wawo.’ ”

Hoseya 9:1

Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.

Numeri 32:13

Apwiya yahaashella murima Aisraele nave yaaweetiha muchipululuni mulle miyakha 40 ophiyera mbado muttheene oyo weerille ddoonanara vamiitthoni va Apwiya otthollowille.

Numeri 33:38

Apwiya emulamulalle, Aroni aawella mwaango wa Hori akhwella wenko va nllapo nawaamba na mweeri waneetthanu muyakha wa 40 Aisraele ekhumalle mu Iguputo.

Numeri 5:31

Mullopwana khakhalla ni mullatu koma mwaariye sika anaaphwanelle ollakiwa.”

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Deuteronomo 1:3

Va nllapo nawaamba na mweeri wa khumi ni mmodda muyakha wa 40 waambeella mvo Aisraele yakhumalliiwa mu ellapo ya Iguputo, Mose ahaalleella ddittheddene nnddo Apwiya yamulamulalliiwa.

Deuteronomo 2:14

Nave enthawi eyo nallapuwalleehu muhinjooyo vaari viviralle khalle miyakha 38 ovenyera mvo navenyilleehu o Kadeshi Baranea. Akhoto attheene yaari ekhwille moollikana ni mmo Apwiya yallupellelliiwa.

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

Deuteronomo 29:5

Va miyakha 40 mvo Apwiya yuuhoollelliiwani muchipululuni mulle ddoowara ddanyu apaalle esapato ddanyu khaddaawaahuwalle.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Deuteronomo 8:4

Ddoowara ddanyu khaddaahuwalle nave manyallwaanyu kheyiipalle naari vang'ono muchipululuni mulle va miyakha 40 ddittheddenenndda.

Yoswa 14:10

Kalebe aavirellella ollotattho wi, “Koma vano voomalla miyakha 45 Apwiya emulleelle khalle Mose ddenndda. Enthawi eyo Aisraele yeetiiwa muchipululuni nave moollikana ni mmo yalonjezelliiwa Apwiya aakisunga miyaano ni okumi, vano kiri ni miyakha 85.

Yoswa 5:6

Aisraele yaaneeta muchipululuni wa miyakha 40 ophiyera mutundu muttheene, akhoto attheene, yakhumalle mu Iguputo etthollowille ekaamba yoohiiwellella mawu a Apwiya. Apwiya yahaallupellella wi khevollowamo mu ellapo eyo yallupellelliiwa waavaha makhollwiiwa, ellapo yaweeta mukaka ni enwi.