Numeri 14:2 - Mawu a Mulluku

² Attheene yahaamba owiinyullulla Mose ni Aroni. Athu attheene yahaalleella wi, “Waaweerokhalla waphaama nakhwenlleke o Iguputo apaalle muchipululuni mwemmu.

Numeri 14:2 Iomraidhean Croise

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

Yobu 3:11

Ethiyo kahiyariwelle tini ookhweene? Ethiyo kahikhwelle tini kiri oyariwa wene?

Masalimo 106:24

Sika alliwa yaavevulla ellapo yaphaama voohikhulupililani mawaaye.

Masalimo 106:25

Yaaniinyullulla m'misasani mwiwa, ehiniiwellella mawu a Apwiya.

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Eksodo 14:11

Yaamukoha Mose wi, “Ethiyo tti ekaamba yawi o Iguputo khewaari nipuro na mahame nyuwaano muniphiyihalleenyu o echipululu wuno wi nikhwellewo? Muneerille tini onikhumiha mu Iguputo?

Eksodo 15:24

Nave athwaalle yaakhupanyella wa Mose, emukoha wi, “Ethiyo hiyaano ninaawirye tini?”

Eksodo 17:3

Koma athwaalle yaakhalla ni nthona wunchichi nave yaakhupanyella wa Mose ellota wi, “Kaambiiwa tini mwanikhumihelleenyu o Iguputo wi muniiphe ni nthona, hiyaano ni aniihu vamodda ni eziweto ddahu?”

Yona 4:3

Sika vano Nyuwaano Apwiya, koophara mwetwaanyu, kimalliheni. Tti waphaama wi kikhwe okhwaranya okhalla ni okumi.”

Yona 4:8

Vookhumani nndduwa, Apwiya yaamurumihella Yona ephevo yooviha wunchichi. Nndduwa naamoosa vamuru vaye mookusa murima. Sika ahaambattho oveka okhwa wi, “Tti waphaama wi kikhwe okhwaranya okhalla ni okumi.”

Numeri 11:1

Nllapo nimodda athu yaakhupanya Apwiya yiiwaka. Apwiya yiiwalliiwa ddenndda yaasha murima nave munllo wa Apwiya waakhara va athwaayo, oshellelliha misasa dda mukhwipi.

Numeri 11:15

Vanothi mwaapaallaka okeerella echifundo tti waphaama wi mukiiphe ohiyana wi koone ddoohoosannddo.”

Numeri 11:5

Ninnuupuwella ehomba ddoohillivella nnddo nacheehu o Iguputo, mihawa, mabubuda ni anyezi oohiyanahiyana.

Numeri 14:1

Vano Aisraele attheene yaakhuwa wunchichi nave yahinlla mahiiyu yaayo.

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Numeri 16:13

Ethiyo ddohuuyevellani ddawi mwaanikhumiha mu ellapo yoohirama ddoocha wi nikhwelle muchipululunimmu? Ethiyo munapaalla wi mukhallettho mwenaahu oonilamulella?

Numeri 16:41

Koma osaka wene Aisraele attheene yahaahumullulla Mose ni Aroni wi, “Nyu moowiipha athu a Apwiya.”

Numeri 17:6

Sika Mose aallota ni Aisraele. Nave oohoollella attheene yaamwinnya ekoponnddo, arive muthu ekopo emodda moollikana ni mabanjiiwa navettho makhollwiiwa, sika wi ekopo khumi ni piilli vamodda. Ekopo ya Aroni yaari variyari va ekopo ddiwa.

Numeri 20:2

Khewaari maaddi oowirya. Sika athwaayo yaatthukumana emuwukila Mose ni Aroni.

Numeri 20:3

Vano yahaamba okangana ni Mose nave yaallota wi, “Waaweerokhalla phaama nakhwilleke nimodda ni akhwiihu alle yakhwille vamiitthoni va Apwiya.

Numeri 20:4

Kaambiiwa tini mwaaphiyihalleenyu athu attheene wa Apwiya ochipululuni wuno wi nikhwelle nimodda ni eziweto ddahu.

Numeri 21:5

Athwaalle yahaamba omwiinyullulla Mulluku ni Mose enallota wi, “Kaambiiwa tini mwanikhumihalleenyu mu ellapo ya Iguputo wi nikhwelle muchipululunimmu? Wuno khawuri yoocha naari maaddi nave yoocha yoohikhalla ni muttekweella yoonidduurya.”

1 Akorinto 10:10

Nihiwinyeke wonanko amodda a alliwaayo vawi yahiiphiwa ni Mungelo Awiipha.

Deuteronomo 1:27

Nyuwaano mwakhallella okhupanya m'misasani ddanyu voollotani wi, ‘Apwiya ennaniita hiyaano. Sika ekaambiiwa yanikhumihalliiwa o ellapo ya Iguputo, enivelleella m'mattani mwa Aamori wi eniiphe.

Deuteronomo 9:23

Nave Apwiya yuurumalliiwani ovenyera o Kadeshi Baranea wi mwaakhe ellapo yuuvahilleewani, nyuwaano mwahaawukila Apwiya Mullukwaanyu nave khemwaawaakhulupililalle apaalle wiiwellella mawiiwa.

Aheberi 3:16

Ttaani athu ayo yiiwalle mawu a Mulluku koma emuwukila olliye? Attheene ayo yakhumalle o Iguputo ehoollelliwe ni Mose.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.