Numeri 14:19 - Mawu a Mulluku

¹⁹ Kinnuuvekani wi mwaakhululukelle athu yaalla moollikana ni wunnuwa wa echikondaanyu yoohisintheya navettho ekaamba yawi mookhalla mwaakhululukellaka waambeella o Iguputo ophiyera ollello.”

Numeri 14:19 Iomraidhean Croise

1 Mamwene 8:34

mwiiwe oddullunko ni waakhululukella machimo athwaanyu Aisraele. Vatulli viwa, mwaahokolloselle o ellapo eyo mwaavahilleenyu makhollwiiwa.

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Masalimo 78:38

Koma vawi Mulluku tti eechifundo, ahaakhululukella machimwiiwa, khaawoonongille. Wiilliwiilli aanahokollosa murima woohaanaariwella, khaakhullella wi ashe murima.

Masalimo 85:2

Mwaakhululukella machimo a athwaanyu, mwaavuhellella ddoolakwa ddiwa ddittheddene.

Eksodo 32:32

Koma vano pepaani mwaakhululukelle machimwiiwa. Mwaahaakhululukella, pepaani muvenyihemo nnddina naka munibukhuni mmo mwaalembilleenyu manddina a athwaanyu.”

Eksodo 33:17

Vano Apwiya yaamulleella Mose wi, “Kineereweera moollikana ni mmo ollotilleewe ekaamba yawi kooweerella echifundo ni weyaano nave kinnuudduwella phaama.”

Eksodo 34:9

Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Daniele 9:19

Nyu Apwiya, apellani maaru. Nyu Apwiya nikhululukelleni. Nyu Apwiya, niiwellelleni nave mweerevo ello nave muhiselliwe ekaamba ya nnddina nanyu nave ekaamba ya muzindaanyu navettho athwaanyu enaromolliwa ni nnddina nanyu, nyu Mulluku.”

Amosi 7:2

Koonilleemi wi nazombooyo oocha ddoomella ddittheddene dda mwiillaponimmo kaallota wi, “Nyu Apwiya Mulluku, pepaani khululukellani! Ethiyo athu a Yakobo enaallipihelle mwawiidde? Alliwa tti ooyeva wunchichi.”

Amosi 7:5

Vano kaallota wi, “Nyu Apwiya Mulluku, pepaani kinimuuvekani, hiyani. Ethiyo athu a Yakobo enaallipihelle mwawiidde? Alliwa tti ooyeva wunchichi.”

Yona 3:10

Mulluku ahoona mmo athwaayo yeerelliiwa ni mmo yahiyeriiwa makhallellwiiwa oonanara. Sika aarukunusa maganizwaaye, ahaakhululukella athwaayo, khaatthollonse wonanko mmo allotelleeye.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Habakuku 3:2

Nyu Apwiya, kahiiwa epillaanyu ni woova, Apwiya, hihimullani muttekwaanyu mallapo allello, muwudduwanyeyihe mu mallapwaahu. Naari mushille murima, muhitiwalle echifundwaanyu.

Numeri 23:21

Kheyiivo yoonanara yooneyille mwa Yakobo, apaalle yookatamiha ephwanyeyille mwa Israele. Apwiya Mullukwiiwa ari ni alliwa, erina okhuwa wi olliye tti mweniiwa.

Yakobo 5:15

Nivekello nenna naweeriwa mu echikhulupililo nineeromuchiriha oovoriiwooyo. Apwiya eneeromuvenyiha nave aari achimwalle, aneerokhululukelliwa.