Numeri 14:18 - Mawu a Mulluku

¹⁸ ‘Apwiya tti oohisha murima mwawaakuva, tti ooddalla ni echikondi yoohisintheya nave tti ookhululukella ddoonanara ni machimo. Komave khenaakhullella wi oochimwa ahillakiwe. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.’

Numeri 14:18 Iomraidhean Croise

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Yobu 21:19

Munallota wi, ‘Mulluku annaallaka anamwani ekaamba ya machimo a makhollwiiwa.’ Koma muhiyeni Mulluku aahokolloselle oochimwaayo wi edduwelle.

Masalimo 103:8

Apwiya tti eechifundo ni ooreera murima, oohisha murima mwawaakuva, ooddalla ni echikondi yoohisintheya.

Masalimo 108:4

Echikondaanyu yoohisintheya tti yuullupalli okhwaranya eddullu, ororomelleya wanyu onnaphiya omiraponi.

Masalimo 109:14

Apwiya ehitiwalle ddoonanara dda makhollwaaye, machimo a amennya ehivuhellelleye.

Masalimo 145:8

Apwiya tti eechifundo ni ooreera murima, oohisha murima mwawaakuva, ooddalla ni echikondi yoohisintheya

Masalimo 78:38

Koma vawi Mulluku tti eechifundo, ahaakhululukella machimwiiwa, khaawoonongille. Wiilliwiilli aanahokollosa murima woohaanaariwella, khaakhullella wi ashe murima.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Eksodo 20:6

Koma mibado ddooheerengeya nnddo ddinakikonda miyaano ni wiiwellella malamulwaaka, kinnaddikonda ni echikondi yoohisintheya.

Yeremiya 23:2

Ekaamba ya yeella Apwiya Mulluku a Israele enallota dda abusa awaawehera athwiiwa wi, “Moopallallesa ni omwara enkhosa ddaka nave khamunaddipwatha phaama. Sika kineerewuullakani ekaamba ya ddoonanara ddanyu.

Yeremiya 32:18

Munnooniha echikondaanyu yoohisintheya wa athu ooheerengeya koma munnaallaka anamwani ekaamba ya machimo a makhollwiiwa. Nyu Mulluku muullupalli muri amasiva, nnddina nanyu tti Apwiya Amasiva Mattheene.

Maliro 5:7

Makhollwaahu yaachimwa nave kheyiiwo, vano nootukhulla machimwiiwa.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Numeri 14:17

Vano Apwiya kinuuvekani wi moonihe wi wunnuwa wa masivaanyu wonanko mmo mwallotelleenyu wi,

Numeri 23:21

Kheyiivo yoonanara yooneyille mwa Yakobo, apaalle yookatamiha ephwanyeyille mwa Israele. Apwiya Mullukwiiwa ari ni alliwa, erina okhuwa wi olliye tti mweniiwa.

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Deuteronomo 5:10

Koma mibado ddooheerengeya nnddo ddinakikonda miyaano ni wiiwellella malamulwaaka kinnaddikonda ni echikondi yoohisintheya.

Deuteronomo 5:9

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Deuteronomo 7:10

Koma Mulluku aneerewaahokollosella ddoonanara voowoonongani attheene ayo eniitana ni olliye moohikayika.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.