Numeri 14:14 - Mawu a Mulluku

¹⁴ Vano Aiguputo eneerewaatthopoollella athu a mwiillaponimmu. Alliwa ahiiwa khalle wi nyu Apwiya muri variyari va athu yaalla nave munnawooneyella vamiitthoni ni vamiitthoni nave murapwaanyu onnaakhuneella. Otthaana munaahoollella ni opoto amurapo nave mahiiyu munaahoollella ni opoto amunllo.

Numeri 14:14 Iomraidhean Croise

Genesis 32:30

Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

Nehemiya 9:12

Otthaana, mwaanaahoollella ni murapo, mahiiyu mwaanaahoollella ni munllo.

Nehemiya 9:19

ekaamba ya echifundwaanyu yuullupalli khemwaahiyalle muchipululuni. Murapo oyo waahoollella otthaana ni munllo waahoollella mahiiyu, khewaavenyillevo.

Masalimo 105:39

Apwiya yaahiya murapo wi waahuruwelleke, munllo wi waamolleelleke mahiiyu.

Masalimo 78:14

Otthaana aahoollella ni murapo, mahiiyu ni owala wa munllo.

Eksodo 15:14

Mitundu ddimodda ddahiiwa nave ddaatthukumella, woova wunchichi wohaaphara Afilisti.

Eksodo 33:11

Sika Apwiya yaanallota ni Mose vamiitthoni ni vamiitthoni, wonanko mmo muthu anallotelleeye ni mukhwaaye. Nave vatulli viwa Mose aanahokollweella omisasani. Koma musombwe mmodda nnddina naye Yoswa, mwaana a Nuni, oyo aari oomukavihera Mose, khaavenyawo.

Eksodo 33:16

Ethiyo ddinaadduwanyeye mwawiidde wi mookeerella echifundo ni athwaanyu mwaahithaanana ni hiyaano? Mwathaanana ni hiyaano ddineeronihiyaniha ni athu amodda attheene a va ellapo yavatthi.”

Eksodo 40:38

Va olendwiiwa muttheene, Aisraele yaanoona murapo wa Apwiya va musasa enthawi ya otthaana ni munllo m'muraponi enthawi ya mahiiyu.

Numeri 10:34

Murapo wa Apwiya waanaakhuneella otthaana erive enthawi yaatimullaka.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Yohane 14:9

Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

Deuteronomo 1:19

“Valle naheera nnddo Apwiya Mullukwaahu yanilamulalliiwa. Naavenyawo o mwaango wa Horebu nave naavirella mu echipululu yuullupalli ni yawoopiheelle vooyaani o ellapo yamiyaango ya Aamori. Naphiyalleehu o Kadeshi Baranea,

Deuteronomo 34:10

Ovenyera vaavo khanaphwanyeyekettho mu Israele namallotella wonanko Mose oyo Apwiya yallotiiwana vamiitthoni ni vamiitthoni.

Deuteronomo 5:24

ellota wi, ‘Apwiya Mullukwaahu yaanooniha ottekweeniiwa ni ntitimiho niwa nave naawiiwa ellotaka eri m'munlloni. Sika ollello nohoona wi muthu ttuukhallave ni okumi naari Mulluku allotille ni olliye.

Deuteronomo 5:4

Apwiya yaallota ni nyuwaano vamiitthoni ni vamiitthoni eri m'munlloni vamwaangoni valle.

Yoswa 5:1

Mamwene mattheene Aamori ookhalla woovollowa nndduwa wa muhinje wa Yordani ni mamwene Aakanani ookhalla museresere mwa enyanja yiiwalliiwa wi Apwiya yahummiha muhinje wa Yordani Aisraele yallapuwiiwa yahoova nave yaatathilla murima ekaamba ya Aisraelaayo.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.