Numeri 13:28 - Mawu a Mulluku

²⁸ Komathi athu amwiillaponimmo tti amasiva, mizinda ddiwa tti ddawaapheelliwa ni mpanda navettho tti dduullupalli. Woonjerera vaavo naawoonattho edduullu dda Anaki.

Numeri 13:28 Iomraidhean Croise

2 Samuele 21:16

Vano Isibi Benobi, mmodda mwa edduullu dda athu amasiva ooromolliwa Arefaimu, oyo nivaka naye nallemella makilogaramu mararu ni hafu. Nsupada naye nisha niri mu laamba a muyuununi mwaye, aaganiza ddawi amwiiphe Davide.

Numeri 13:33

Naawoonattho Anefili, edduullu dda Anaki. Hiyaano nooneya wonanko middope nave alliwattho yanoonattho wonanko middope.”

Deuteronomo 1:28

Ethiyo ninaaphwanye ellapo yawiidde wenko? Abalaahu naarumalleehwaalle yaaniriiryiha mwiilli wi athwaayo tti amasiva ni oorekama onikhwaranya hiyaano. Eniwattho mizinda ddiwa tti dduullupalli, dda mipanda ddoorekama. Navettho eniwa wenko yaawoonawo athu uullupalli ni oorekama, edduullu dda Anaki.’

Deuteronomo 2:21

Athwaayo yaari amasiva ni anchichi nave yaarittho oorekama wonanko Aanaki. Komave Apwiya yaawoononga nave ellapwiiwa yahaakhiwa ni Aamoni ayo yakeraattheye wenko.

Deuteronomo 3:5

Ddittheddenenndda ddaari mizinda ddoollipihiwa ni mipanda ddoorekama navettho dda machiwi oowalliwa ni mikoko ddoollipa. Nave vaakhallattho mizi ddinchichi ddoohikhalla ni mipanda.

Yoswa 11:22

Khaavo naari mmodda Aanaki oyo ahanlle mu ellapo ya Aisraele. Koma ooyeva yahallille o Gaza, o Gati ni o Ashidodi.

Yoswa 14:12

Vano mukikawelle ellapo yamiyaango moollikana ni mmo Apwiya yakilonjezelliiwa. Valle mwahiiwa wi Aanaki, athu amasiva, aakhallawove wenko m'mizindani dduullupalli ni ddamipanda. Koma apaalle Apwiya ttuukhalla ni miyaano nave kineerowiikariha moollikana ni mmo Apwiya yallotelliiwa.”

Yoswa 15:14

Kalebe aawiikariha malloko mararu a anamwani a Anaki mwiillaponimmo. Manddiniiwa yaari Sheshai, Ahimani ni Talimai.

Oweeruza 1:20

Muzinda wa Hebroni waavahiwa wa Kalebe moollikana ni mmo allotelleeye Mose. Nave Kalebe aawiikarihamo m'muzindanimmo malloko mararu a Anaki.