Numeri 12:6 - Mawu a Mulluku

⁶ Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

Numeri 12:6 Iomraidhean Croise

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Genesis 28:12

Muullohani ahoona makwelelo oovenyera vatthi ophiyera oddullu nave aawoonattho angelo ewellaka navettho ekitthaka vamakwelelonimvo.

Genesis 28:16

Yakobo avenyille aallota wi, “Ddawoona, Apwiya eri vaava nave miyaano ngaadduwella.”

Genesis 37:5

Nllapo nimodda Yosefe aalloha nave ahaatthopoollella asinne ollohanko. Nndda ddaheeriha wi emwiite wunchichi okhwaranya khalle.

Genesis 37:9

Vano Yosefe aallohattho nave ahaatthopoollellattho asinnaayo wi, “Koollohattho nave kahoona nndduwa, mweeri ni etheneeri khumi ni emodda ddikikokhorellaka.”

Genesis 46:2

Mahiiyu Mulluku aamooneyella Yakobo nave aallota wi, “Yakobo, Yakobo!” Olliye ahaakhulla wi, “Ee Apwiya.”

2 Samuele 7:4

Koma mahiiyu yaayo mawu a Apwiya yaawa wa Natani wi,

1 Mamwene 3:15

Solomoni aavenya nave aadduwella wi aamalloha. Vano aaya o Yerusalemu iimella vahoollo va nibokosi na echipangano na Apwiya avelleella mikutho ddooshellelliha ni mikutho ddeeyaattano dda Apwiya. Vano ahaakhozella machellello oorumeyellaaye.

1 Mamwene 3:5

O Gibiyoni Apwiya yahooneyella wa Solomoni mahiiyu moolloha, emulleella wi, “Veka eyo onapaalleewe nave kineerewuuvaha.”

Yobu 33:15

Moollohani, mu masomphenya a mahiiyu, athu ekhwillevo ni ekhove, athu ekwindimaka vabedini viwa,

Yobu 4:13

Nndda ddaakihoosa mahiiyu moolloha mvo athu enakhwiiwa ni ekhove.

Masalimo 105:15

Yaallota wi, “Muhaattannye oozoziwaaka,* muhiweerelle yoonanara anamallotellaaka.”

Masalimo 89:19

Khalle mwaallota oweella m'masomphenya wa athwaanyu oororomelleya wi, “Koomuwariha enduwira yoomwene muthu amasiva, koomuwelliha ootthoolliwa variyari va athu.

Eksodo 7:1

Apwiya yaamwaakhulla Mose wi, “Ngoona, kineeroweeriha wi okhalle wonanko Mulluku wa Farao nave mwanamunno, Aroni, sika anaakhalle wonanko eyanwaawo.

Yeremiya 23:25

Kohiiwa ddoollota dda anamallotella mmo enallotelliiwa ddawoottha mu nnddina naka enakhuwa wi, ‘Koolloha, koolloha!’

Yeremiya 23:28

Namallotella alloha, atthopoollettho olloha wayenko. Koma oyo ari ni mawaaka, allalleye mawaakaayo mwawoona. Ethiyo mallulla ttuuphwanaphwana ni tirigu? Mi Apwiya koollota.

Ezekiele 1:1

Nllapo naneetthanu na mweeri waneesese muyakha wa 30 kaari variyari va akaporo a o Yuda vakhuviru ni muhinje wa Kebara. Vano oddullu waahulleya nave kahoona masomphenya a Mulluku.

Daniele 10:8

Miyaano kaahalla meekha kiwehaka ddeko ddenndda m'masomphenya muullupallaalla. Masivaaka yaamalla, ekhovaaka yaatthattuwa nave ekophollo ddaakimallella.

Daniele 2:19

Vano yawiipittheyeeyo yahuupullullelliwa wa Daniele mu masomphenya a mahiiyu. Sika Daniele aamutitimiha Mulluku ooddullu.

Daniele 7:1

Muyakha wawaamba wa Belishazara a o Babiloni, Daniele akonaatthille vabedini vaye aalloha, ahoona masomphenya. Sika aalemba ddoollohannddo, additthopoollella mwawiiweya phaama allota wi,

Daniele 8:2

M'masomphenyaaka kaaddoona meekha kiri mu muzinda muullupalli wa Susa oyo ori mu echigawo ya Elamu. Kahoonattho wi kaari o muhinje wa Ulai.

Hoseya 12:11

Koma athu yallapella mafano o Giliyadi. Mafano yaalla eneerewoonongeya. Yaanavelleella mikutho dda eng'ombe o Giligala. Koma makuwiiwa kineerewaatthattusa malluku awuukelliwa m'matani.

Yowele 3:1

Apwiya enallota wi, “Enthawi yeeyo kineerewaahokollosella ddaphaama athu a o Yuda ni a o Yerusalemu.

Zekariya 1:8

“Mahiiyu kahoona ddeko mu masomphenya. Kaamoona muthu amuwenlle kavalo oofiira nave iimenlle va asimiteekho amakukhu muntaponi. Nave vatulli viwa vaari akavalo oofiira, oosiripa ni aweella.

Numeri 24:4

mawu a oyo aniiwa mawu a Mulluku, oyo anamoona Mulluku m'masomphenya, oyo aniikuha miitthwaaye eri ookhunuuwa.

Mateyu 1:20

Vano aganizeeye ello yeella, mungelo a Apwiya ahooneya wa Yosefe muullohani allota wi, “Yosefe, edduullu ya Davide, ohoove omutthella Mariya. Erukullu yeella tti ya masiva a Munepa Waweella.

Mateyu 2:19

Vano akhwille Herode, mungelo a Apwiya ahooneya wa Yosefe muullohani mu Iguputo allota wi,

Mateyu 23:31

Sika tti omboni wawiivaanya yeekhiinyu voollotani wi nyuwaano tti edduullu dda ayo yawiiphalle anamallotella.

Mateyu 23:34

Ekaamba ya yeella kineerewuurumihellani anamallotella ni athu eezeru ni ahuddihi. Amodda a yaayo muneerowiipha, amodda muneerewaatthomeya vamutandani nave amodda muneerewaawashulla mu enyumba ddanyu ddamavekello ni waathamakiha ovenyera o etawoni emodda ophiya o etawoni emoddeeyo.

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Mateyu 27:19

Vano Pilato akeraatthille vampandoni wooweeruzella mwaariye aarumiha wa olliyooyo mawu awi, “Muheere ello ni muthu oolungamoolla vawi mahiiyu koohoowa muullohani ekaamba ya yoolla.”

Luka 1:11

Vano mungelo a Apwiya aamooneyella. Mungelooyo iimenlle onnattanatta wa nikuwa noowoosella mukutho wa lubanooyo.

Luka 1:22

Akhumalleeye, khaawonre ollota ni athwaayo, allota ni matta nave aallakallakeya. Sika athwaayo yaadduwella wi muwarimmo ohoonamo masomphenya ovenyera wa Mulluku.

Luka 20:6

Koma nallota wi, ‘Ovenyera wa athu’, athu attheene eneeroniipha voonivokhani malluku kaambiiwa attheene yaamwaakhullella Yohane wi aari namallotella.”

Mitteko 10:11

Ahoona oddullu ohulleyille nave ello yawooneya wonanko ekuwo yuullupalli ekitthellaka va ellapo yavatthi ephareelliwe ni etthoka ddiwa ddisese.

Mitteko 10:17

Petro aahalleelliwa ni ddeko oonilleeyennddo wi tti tini. Enthawi yeeyo athu yarumiwe ni Korineliywaalle yaari ekohenre khalle mvo vaari enyumba ya Simoni nave yaari yiimenlle vamullakoni.

Aefeso 4:11

Tti oyo aavahille emphaso. Ahaatthoolla amodda wi ekhalle amurummwa, amodda ekhalle anamallotella, amodda ekhalle oollalleya, amodda ekhalle abusa ni ahuddihi.

Deuteronomo 18:15

nave eneerewuurumihellani namallotella wonanko miyaano oovenyera mwa abalaanyu nave mumwiiwellelleke olliye.

Deuteronomo 18:18

Kineerewaarumihella namallotella wonanko weyaano oovenyera mwa abaliiwa. Kineeromulleella yawi allote nave olliye aneerewaalleella athu attheene nnddo kinamulamuleemi.

Aheberi 1:1

Khalle, Mulluku aallota wa makhollwaahu enthawi ddoohiyanahiyana nave moohiyanahiyana oweella mwa anamallotella.

Yawuupullulla 11:10

Athu a va ellapo yavatthi eneerohakallalla ekaamba ya okhwa wa amboni eellaalla. Eneereweera ehakallallo ni orumihellana emphaso kaambiiwa anamallotella eellaayo yaanaahoosa athu a va ellapo yavatthi.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

1 Samuele 28:6

Sika ahaaveka Apwiya yawi eere koma kheyaamwaakhullalle naari oweella muullohani, mwa allupa mukutho apaalle mwa anamallotella.

1 Samuele 3:15

Samuele aakona ophiyera ohinase. Aavenya ahulla machiwi a enyumba ya Apwiya. Ahoova omulleella Eli dda masomphenyaalle.

1 Samuele 3:21

Apwiya yaavirellella odduupullulla weekhiiwa o Shilo. Yaanallota ni Samuele nave olliye aanallota ni Aisraele attheene.