Numeri 12:3 - Mawu a Mulluku

³ Mose aari awiiyeviha omukhwaranya arive muthu va ellapo yavatthi.

Numeri 12:3 Iomraidhean Croise

Masalimo 147:6

Ennaawelliha oonyingallelliwa, koma ennaakitthiha athu oonanara.

Masalimo 149:4

Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Numeri 12:4

Vano Apwiya yaamulleella Mose, Aroni ni Miriyamu wi, “Araru attheenenyu muwe o musasa wamutthukumano.” Nave araru attheenaayo yaayaawo.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Mateyu 5:5

Oodalisiwa tti athu ayo eri oomaalleya, vawi Mulluku aneerewaavaha ellapo yavatthi wi ekhalle yayiwa!

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

2 Akorinto 11:5

Kinaganiza wi amurummwaanyu, ayo munaweereenyu uullupalli, khekikhwaranya miyaano.

2 Akorinto 12:11

Kineera wonanko ookarangeya koma tti nyuwaano mwakiwatihenre. Nyuwaano sika muphwanenlle okitetheella. Vawi naari kiri oohikhalla ni mutteko, amurummwaanyu uullupallaalle khenakikhwaranya miyaano.

1 Atesalonika 2:7

Naari wonanko amurummwa a Khrisitu, naakhalla ni masiva awuulamulani. Koma nahiithaalla naariihu ni nyuwaano, wonanko moowe anawuupaarelleeye anaaye.

Yakobo 3:13

Ttaani a nyuwaano ari ni ezeru ni wiiwesesa? Oonihe ddenndda ni makhallellwaaye aphaama nave mitteko ddaye mu ezeru ddoomaalleya.

1 Petro 3:4

Koma oreera wanyu onaphwanella okhalleke wa muwari mwanyu, oreera wa murima, wawiithaalla ni woomaalleya vawi nndda sika ddoopaalleya wunchichi ni ddoohimalla vamiitthoni va Mulluku.