Numeri 12:2 - Mawu a Mulluku

² Alliwa yaakoha wi, “Ethiyo tti ddawoona wi Apwiya enallota oweella mwa Moseve? Ethiyo khenallotattho oweella mwa hiyaano?” Nave Apwiya yaaddiiwa ddenndda.

Numeri 12:2 Iomraidhean Croise

Genesis 29:33

Aakusattho erukullu emodda, amuyara mwaana mmodda aamullopwana nave aallota wi, “Apwiya aakivahattho mwaana aamullopwanoolla, kaambiiwa yahiiwa wi mamunaka khanakikonda.” Mwawi ddiiddo mwaanooyo aamuvaha nnddina nawi Simeoni.

2 Samuele 11:27

Mutthiyanooyo amallihalle omwinllella mamunooyo, Davide aamuruma muthu amukusa awaana o enyumba yoomwene. Nave Davide aamutthella. Mutthiyanooyo aamuyarella mwaana aamullopwana. Koma nnddo eerille Davide ddahaananara Apwiya.

2 Mamwene 19:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

Eksodo 4:14

Vano Apwiya yaamushella murima Mose, emulleella wi, “Mwanamunno Aroni, Mulevoolle. Kinnadduwella wi olliyoolle ttuuwora ollota phaama ddene. Animawa wi akumane ni weyaano nave aneerohakallalla wunchichi aawoona.

Eksodo 4:30

Aroni ahaatthopoollella oohoollellaayo ddittheddene nndde Apwiya yamulleelliiwa Mose nave aheerattho ezizindikiro ddoottikhiniha ddittheddenenndde athu attheene yoonaka.

Eksodo 5:1

Vatulli viwa Mose ni Aroni yaaya wa Farao emulleella wi, “Apwiya Mulluku a Israele, enallota wi, ‘Owaakhullelle athwaaka eye o echipululu wi yeere ehakallallo yookillapella miyaano.’ ”

Eksodo 7:10

Sika Mose ni Aroni yaaya wa Farao yeera moollikana ni mmo Apwiya yaalamulalliiwa. Aroni ayivokhella vatthi ekopwaayeelle vamiitthoni va Farao ni enduna ddaye nave yaatthattuwa enowa.

Miyambo 13:10

Wiitukhulla onnawiiha okangana koma oyo alangiziwe annakhalla ni ezeru.

Yesaya 37:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Numeri 11:1

Nllapo nimodda athu yaakhupanya Apwiya yiiwaka. Apwiya yiiwalliiwa ddenndda yaasha murima nave munllo wa Apwiya waakhara va athwaayo, oshellelliha misasa dda mukhwipi.

Numeri 11:29

Koma Mose aamulleella wi, “Ethiyo onakikhupanyella miyaano. Keerohakallalla athu attheene a Apwiya yaariki anamallotella nave Apwiya yaakawelleke munepiiwa.”

Numeri 12:3

Mose aari awiiyeviha omukhwaranya arive muthu va ellapo yavatthi.

Numeri 16:3

Attheenaayo yaatthukumana vamodda nave yaamuwukila Mose ni Aroni, yaalleella wi, “Nyu mohoonjera! Athu attheene tti aweella, arive muthu m'mullokonimmu tti a Apwiya nave Apwiya eri variyari vahu. Kaambiiwa tini munaddeeseenyu oomukhwaranya arive muthu va mutthukumano wa Apwiya?”

Aroma 12:10

Mukondaneke mmodda ni mukhwaaye wonanko muthu ni musinne apaalle murokoriye nave mwaavaheke olemu athu amodda ohiyana ni muniivahelleenyu olemu nyookha.

Aroma 12:3

Ekaamba ya echisomo eyo Mulluku aakivahilleeye, kinallota wa arive muthu variyari vanyu wi muhiganizeke wi nyuwaano tti uullupalli ohiyana ni mmo mukhallelleenyu. Koma maganizwaanyu ekhalle awiiyeviha moollikana ni waata wa echikhulupililo eyo Mulluku uuvahilleeyeni.

Afilipi 2:14

Mweereke ddittheddene moohiwinya apaalle ovaanya,

Afilipi 2:3

Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”