Numeri 11:4 - Mawu a Mulluku

⁴ Enthawi yeeyo athu awaanganyera ayo yaari variyari viwa yaakhalla ni ekhwillu. Aisraelettho yahaamba okhupanya, ellota wi, “Ttaani anaanivahe enama wi niyiche?

Numeri 11:4 Iomraidhean Croise

Nehemiya 13:3

Vano athwaayo yiiwalliiwa lamulonna, yahaavenyihavo alleto attheene va mutthukumanwiiwa.

Masalimo 106:14

Koma yaattutthuwa voothwarani ddoopaalla dda murimiiwa muchipululuni, yaamweesa Mulluku wenko.

Eksodo 12:38

Vaakhallattho mulloko muullupalli wa athu amodda ayo yahiri Aisraele navettho enkhosa, epuri, abulu ni eng'ombe ddinchichi.

Eksodo 16:12

“Kohiiwa okhupanya wa Aisraele. Nave alleelle wi, ‘Misikuwa muneerekoocha enama nave ohinase muneerekomucha buledi ookwakhwanella, sika muneerodduwella wi mi tti Apwiya Mullukwaanyu.’ ”

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Yeremiya 42:14

‘Iyaayi, ninaya o Iguputo wenko, woohikhalla ekhoto, woohiiweya winlla wa nipallapata ni woohirama yoocha wi nakhalle wenko.’

Numeri 11:18

Waalleelle athwaayo wi, ‘Muddeellihe okhozekella ddoosiisello nave muneerocha enama. Nyuwaano mwahinlla Apwiya yiiwaka valle mwalloteenyu wi, Ttaani anaanivahe enama. Vallethi ddeko ddaananeetalla phaama o Iguputo.’ Sika ekaambiiwa Apwiya enaawuuvaheewani enama nave muneeroyicha.

Numeri 14:1

Vano Aisraele attheene yaakhuwa wunchichi nave yahinlla mahiiyu yaayo.

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Numeri 16:13

Ethiyo ddohuuyevellani ddawi mwaanikhumiha mu ellapo yoohirama ddoocha wi nikhwelle muchipululunimmu? Ethiyo munapaalla wi mukhallettho mwenaahu oonilamulella?

Aroma 13:14

Koma muwaakhullelle Apwiya Yesu Khrisitu wi ekhalle yoowaraanyu yakhoto. Nave muhiiwellelleke omuthwaanyu voopaallani okwakhwaniha minkhella ddiwa.

1 Akorinto 10:6

Vano ddittheddenenndda tti echisanzo wa hiyaano wi nihikhallelle minkhella ddeko ddoonanara wonanko alliwaayo.

1 Akorinto 15:33

Muhillekiwe. “Waattana ni athu oonanara onnoononga makhallello aphaama.”

Deuteronomo 9:22

“Nyu mwahaashiha murima Apwiya Mullukwaanyu mwaariinyu o Tabera, o Masa ni o Kiburoti Hatava.