Numeri 11:29 - Mawu a Mulluku

²⁹ Koma Mose aamulleella wi, “Ethiyo onakikhupanyella miyaano. Keerohakallalla athu attheene a Apwiya yaariki anamallotella nave Apwiya yaakawelleke munepiiwa.”

Numeri 11:29 Iomraidhean Croise

Yowele 2:27

Vano Israele, oneerodduwella wi kiri variyari vawo, miyaano Apwiya tti Mullukwaawo khaavottho mmodda. Athwaaka khewa enyaambusiwattho.”

Yowele 3:1

Apwiya enallota wi, “Enthawi yeeyo kineerewaahokollosella ddaphaama athu a o Yuda ni a o Yerusalemu.

Numeri 11:30

Vano Mose ni attekweene a Aisraele yaahokollweella omisasani.

Luka 10:2

Vano ahaalleella wi, “Ddoohata ddohaatesa koma allupa mutteko tti ooyeva. Vekellani wa mwaneena a ddoohatannddo wi aarumihe allupa mutteko etthukumanihe ddoohata ddaye.

Mitteko 26:29

Paulo ahaakhulla wi, “Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhalle wonanko miyaano, opatula omakiwave ni onyoloolla!”

1 Akorinto 13:4

Echikondi enniithaalla nave ennareera murima. Echikondi khenaakhallella ehache athu amodda apaalle wiitukhulla apaalle okota.

1 Akorinto 14:5

Nave kinapaalla nyuwaano attheene mulloteke ellotello ddoohidduwanyeya koma ohiyana ni yeella mwaakhanllekena emphaso yoollotella. Vawi muthu anallotella tti oopaalleya wunchichi ohiyana ni oyo anallota ellotello ddoohidduwanyeya waahikhalla muthu oottaphullella nnddo analloteeye wi mpingo muttheene ollipihiwe.

1 Akorinto 3:21

Vano ahikhallevo awiitukhulla ni ddaweera dda athu. Ddeko ddittheddene tti ddaanyu:

1 Akorinto 3:3

kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

Afilipi 2:3

Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

Yakobo 4:5

Muheese wi khamuri yawoona mu mawu a Mulluku awi, “Munepa oyo Mulluku ahiyalleeye mwa hiyaano tti wooddalla ni minkhella ddamasiva.”

Yakobo 5:9

Asinnaka ni arokoraka, muhillotellaneke ddoonanara wi Mulluku ahiweeruzeni. Ooweeruza ohiimella vamullakoni.

1 Petro 2:1

Vano hiyani ddoonanara ddittheddene, woottha, makhallello awoottha, ehache apaalle ollota ddoonanara.

1 Samuele 10:6

Vaavo Munepa wa Apwiya oneerewuuvollowa moollipa nave naweenettho oneerewaamba ollotella wonanko alliwaayo. Oneerotthattuwa muthu mmodda.