Numeri 11:20 - Mawu a Mulluku

²⁰ Muneeroyicha mweeri muttheene ophiyera yuukhumalleni mphunani nave muneerovoriiwana. Ddenndda ddineereweereya ekaamba yawi mohaakhoota Apwiya ayo enakhalla variyari vanyu nave mookhupanya vamiitthoni viwa voollotani wi, ‘Kaambiiwa tini nakhumalleehu o Iguputo?’ ”

Numeri 11:20 Iomraidhean Croise

2 Samuele 12:10

Ekaamba ya yeella ekhoto khewa emalla vanibanjani vawo kaambiiwa wookivevulla miyaano nave woomutthella mwaara a Uriya Muhiti.

Masalimo 106:15

Olliye ahaavaha nnddo yavekilliiwa, komattho aarumiha ereta yawoopiha variyari viwa.

Eksodo 16:13

Misikuwa waaphiya ayuurwe nave yaaddalla virive veko vamisasanimvo. Osaka wene waakhalla nikame virive veko waapheella misasannddo.

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Eksodo 16:8

Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Miyambo 27:7

Wavona onnakhoota enwi koma wavolliwa naari yoocha yoowaawa ennanang'aneya.

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Numeri 11:13

Ethiyo kinaayikuse wuuwi enama yawi kaavahe athu attheenaalla? Alliwaalla eninllella wa miyaano voollotani wi, ‘Nivaheni enama wi niche.’

Numeri 11:19

Khemuyicha nllapo nimoddave apaalle mallapo meellive apaalle mallapo matthanuve apaalle mallapo khumive meellive apaalle mallapo 20.

Numeri 11:21

Mose ahaakhulla wi, “Athu kineeteeminaalla tti 600,000. Vano nyuwaano moollota wi, ‘Kineerewaavaha enama wi eche mweeri muttheene.’

Numeri 14:3

Kaambiiwa tini Apwiya enanivollochihiiwa mu ellapo yeeyo wi niiphiwe okhotoni? Awarihu ni aniihu eneeropharelliwa wuukaporoni. Ethiyo khokhalla phaama wi nihokollweelle o Iguputo?”

Numeri 14:4

Vano yahaamba okambirana wi, “Hankoni nimutthoolle oohoollellaahu wi nihokollweelle o Iguputo.”

Numeri 16:13

Ethiyo ddohuuyevellani ddawi mwaanikhumiha mu ellapo yoohirama ddoocha wi nikhwelle muchipululunimmu? Ethiyo munapaalla wi mukhallettho mwenaahu oonilamulella?

Numeri 20:4

Kaambiiwa tini mwaaphiyihalleenyu athu attheene wa Apwiya ochipululuni wuno wi nikhwelle nimodda ni eziweto ddahu.

Numeri 21:5

Athwaalle yahaamba omwiinyullulla Mulluku ni Mose enallota wi, “Kaambiiwa tini mwanikhumihalleenyu mu ellapo ya Iguputo wi nikhwelle muchipululunimmu? Wuno khawuri yoocha naari maaddi nave yoocha yoohikhalla ni muttekweella yoonidduurya.”

Mitteko 13:41

‘Nyu athu oovevulla! Ttikhinani nave moonongeye! Vawi ollello kineereweera ello emodda yawi khamukhulupilila vawiiwani!’ ”

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Yoswa 24:27

Nave ahaalleella athwaayo wi, “Nlluku nenna nikhalle omboni woonivaanyiha. Mawu ayo Apwiya ellotilliiwa ni hiyaanwaalla nllukunna nohiiwa. Sika nllukunna ninaakhalle omboni wowuuvaanyihani mwamukhoota Mullukwaanyu.”

1 Samuele 10:19

Koma ollello, nyuwaano moomukhoota Mullukwaanyu oyo uuvullusalleni mu ddoohoosa ni ddookatamiha ddanyu. Munallota wi, ‘Iyaayi! Koma muninnye mwene oonilamulella.’ Vano mutthukumane vamiitthoni va Apwiya moollikana ni mallokwaanyu ni mabanjaanyu.”

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.