Numeri 11:12 - Mawu a Mulluku

¹² Ethiyo kakusalle erukullu ya athu attheenaalla tti miyaano? Ethiyo kaayarille tti miyaano? Kaambiiwa tti nyuwaano mukilleelleenyu wi kaakhupaarelleke wonanko mmo muyepelle aneerelleeye voomwaamwihani mwaana nave wi kaakuselle o ellapo eyo mwaalonjezilleenyu makhollwiiwa moollupella?

Numeri 11:12 Iomraidhean Croise

Genesis 13:15

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Genesis 24:7

Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

2 Mamwene 10:1

Mwene Ahabu o Samariya aari ni edduullu ddeellopwana 70. Vano Yehu aalemba makalata aarumiha o Samariya wa oolamulella muzindooyo, attekweene ni athu ayo yallella edduullu dda Ahabu wi,

2 Mamwene 10:5

Sika muthu oowehera enyumba yoomwene, oowehera muzinda, attekweene, ni awaallella anamwani yaarumiha mawu wa Yehu wi, “Hi tti athwaanyu nave nineereweera ddittheddene munaanilleelleenyu. Khaniwa nimuvollochiha omwene arive muthu. Erani erive ello enuuddivelleni.”

Eksodo 13:11

“Apwiya eneerewuuvollochihani mu ellapo ya Akanani eyo yallupenlliiwa wa nyuwaano ni makhollwaanyu. Yuuvahani ellapo,

Eksodo 13:5

Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.

Eksodo 33:1

Vano Apwiya yaamulleella Mose wi, “Ovenyewo wuno ni athu ayo waakhumihalleewe o Iguputo nave oye o ellapo eyo kallupenlleemi wi kineeromuvaha Abrahamu, Isaki ni Yakobo voollotani wi, ‘Ellapo yeella kineeroyivaha wa edduullu ddanyu.’

Eksodo 6:8

Nave kineerewuuphiyihani o ellapo eyo kallupenlleemi wi kineeromuvaha Abrahamu, Isaki ni Yakobo. Kineerewuuvahani ellapo yeeyo wi ekhalle yaanyuyaanyu. Mi tti Apwiya.’ ”

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Yesaya 49:15

Apwiya yahaakhulla wi, “Ethiyo mutthiyana ttuumutiwalla mwanaye awaamwa apaalle oohimweerella echifundo mwaana oomuyara yeekha? Naari amutiwanlle mwanaye, miyaano, ngiwa kuutiwallani.

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Yohane 10:11

“Mi tti mbusa aphaama, oyo anapaalla okhwa ekaamba ya enkhosa.

1 Akorinto 4:15

Vawi naari murina ahuddihi 10,000 mu okumaanyu wa echikhulipililo, murina attiitthaanyu amoddave. Vawi mwa Khrisitu Yesu miyaano tti attiitthaanyu voowaana othenga waphaama wa nyuwaano.

Agalatiya 4:19

Anaaka, kinnoonattho ovoreya woophwanaphwana ni ovoreya wa mutthiyana aayaraka ekaamba ya nyuwaano ophiyera makhallello a Khrisitu ekeraattheye mwa nyuwaano.

Deuteronomo 1:31

ni muchipululuni mulle. Nyuwaano mwahoona mmo yuuphiyihalleewani wuno mu ettilla ettheene nave wi yahuuweherani wonanko mmo muthu anamutukhullelleeye mwaana.’

1 Atesalonika 2:7

Naari wonanko amurummwa a Khrisitu, naakhalla ni masiva awuulamulani. Koma nahiithaalla naariihu ni nyuwaano, wonanko moowe anawuupaarelleeye anaaye.