Numeri 11:11 - Mawu a Mulluku

¹¹ Mose ahaakoha Apwiya wi, “Kaambiiwa tini mukihoosilleenyu mwawi ddiidda mi oorumeyellaanyu? Kaambiiwa tini muhikeerelleenyu echifundo vookireyani katundu a athu attheenaalla?

Numeri 11:11 Iomraidhean Croise

Yobu 10:2

Nyu Mulluku, muhikeeruze oolakwami, mukilleelle eyo munallipanelleenyu ni mi.

Masalimo 130:3

Nyu Apwiya, mweerengella machimo, ttaani ahinaaphwanyeye ni mullatu.?

Masalimo 143:2

Muhinakiipa mullatu mi oorumeyellaanyu vawi khaavo muthu mukumi oyo ari oolungama vamiitthoni vanyu.

Eksodo 17:4

Sika Mose aavekella wa Apwiya mookhuwa allota wi, “Ethiyo keerena tini athu yaalla? Alliwaalla ehannlle vang'ono okivokha malluku.”

Eksodo 5:22

Vano Mose aavekellattho wa Apwiya wi, “Apwiya kaambiiwa tini munaahooseenyu athwaanyu? Ethiyo mwakirumelle tini?

Yeremiya 15:10

Nyu amoowaaka, mi kookhalla ni otulli vawi mwaakiyara mi muthu ookangana ni oovaanyana ni athu a va ellapo ettheene. Ngipolleyille erive ello wa muthu apaalle omupolleya ello muthu komave athu attheene enimakitembelera.

Yeremiya 15:18

Kaambiiwa tini ddoohoosa ddaka ddihinamalliiwa, nikhwata naka nihinavolliiwa? Ethiyo munapaalla mukilleke wonanko mwanamuhinje wawumma apaalle muhinje woohikhalla ni maaddi?”

Malaki 3:14

Moollota wi, ‘Tti ddoohikhalla ni mutteko omurumeyella Mulluku. Ethiyo ttuuphuravo tini voothwarani malamulo a Apwiya Apwiya Amasiva Mattheene apaalle vawoonihani ethakaraka vamiitthoni viwa?

Numeri 11:10

Mose aawiiwa athwaalle yinllaka m'mabanjani mwiwa mutthemwene, arive muthu akeraatthille va mullako wa musasaaye. Apwiya yaasha murima wunchichi nave Mose aananariwattho.

Numeri 11:15

Vanothi mwaapaallaka okeerella echifundo tti waphaama wi mukiiphe ohiyana wi koone ddoohoosannddo.”

2 Akorinto 11:28

Vowaanjererani yeeyo, nllapo ni nllapo murima onnakivoreya vookhupanyellani mipingo ddittheddene.

Deuteronomo 1:12

Ethiyo kinaawore meekha mwawiidde wiireya ollemella wanyu, ddookatamiha ddanyu ni okangana wanyu?