Numeri 11:1 - Mawu a Mulluku

¹ Nllapo nimodda athu yaakhupanya Apwiya yiiwaka. Apwiya yiiwalliiwa ddenndda yaasha murima nave munllo wa Apwiya waakhara va athwaayo, oshellelliha misasa dda mukhwipi.

Numeri 11:1 Iomraidhean Croise

Genesis 38:10

Eerilleeyenndda ddaamushiha murima Mulluku sika Apwiya yaamwiiphattho Onani.

2 Samuele 11:27

Mutthiyanooyo amallihalle omwinllella mamunooyo, Davide aamuruma muthu amukusa awaana o enyumba yoomwene. Nave Davide aamutthella. Mutthiyanooyo aamuyarella mwaana aamullopwana. Koma nnddo eerille Davide ddahaananara Apwiya.

2 Mamwene 1:12

Koma Eliya aamwaakhulla wi, “Kaarimi kiri muthu a Mulluku, munllo okitthe ovenyera oddullu wuushellellihe we ni athwaawo 50. Vaavo munllo waakittha ovenyera oddullu, omushellelliha akhoto muullupallooyo ni athwaaye.”

Yobu 1:16

Ahinamallihe ollota, amithenga mmodda aaphiya ni mawu awi, “Munllo wa Mulluku waamora ovenyera oddullu nave wooshellelliha enkhosa ddittheddene ni abuseene. Nave meekhave sika kivulluwalle wi kuulleelleni.”

Masalimo 106:18

Munllo waakhara m'mullokoni mwiwa, mallumi amunllo yahaashellelliha oonanara.

Masalimo 78:21

Apwiya yiiwalliiwa ddenndda yaasha murima yaamukharella munllo Yakobo, emushella murima wunchichi Israele,

Masalimo 78:63

Ekhoto yookhara wonanko munllo waawoononga asombwaayo, wawi anamwalliiwa yaarama oowiipella machipo a okwati.

Eksodo 16:7

nave waasaka muneerewoona ntitimiho na Apwiya. Vawi ahiiwa okhupanya wanyu wowaavaanyiha. Ethiyo niri aani awi mukhupanyelleke wa hiyaano?”

Eksodo 16:9

Vano Mose aamulleella Aroni wi aalleelle athwaayo wi, “Waani mwiimelle vamiitthoni va Apwiya ekaamba yawi ahiiwa okhupanya wanyu ottheene.”

Yesaya 10:17

Mulluku, Owala wa Israele anaakhalle wonanko munllo. Aweella anaakhalle wonanko mallumi amunllo wooshellelliha miiwa ddoohiyanahiyana va nllapo nimodda.

Yesaya 30:33

Nipuro nawoosella ddeko tti nookhoziwa khalle nno yamukhozelliiwa mwene a o Asiriya. Nipuronno tti noowallamella ni nuullupalli nooddalla ni ekhuni. Sika mpweya wa Apwiya wookhalla wonanko muhinje wa sulufure, oneerokhariha munllooyo.

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

Maliro 3:39

Ethiyo muthu ookumi anakhupanyella tini aallakiwaka ekaamba ya machimwaaye?

Ezekiele 20:36

Kineerewuullakani wonanko mmo kaallakelleemi makhollwaanyu mu echipululu ya o Iguputo. Mi Apwiya Mulluku koollota.

Levitiko 10:2

Sika Apwiya yaakhariha munllo waashellelliha nave attheene yaakhwa vamiitthoni va Apwiya.

Nahumu 1:5

Miyaango ddinnatikheya vamiitthoni vaye, asimiyaango eneerottotthowa. Ellapo yavatthi ennatthukumella vamiitthoni viwa, ellapo ni ddittheddene ddookhalla mwemmo.

Habakuku 3:5

Millilli ddiri vahoollo vaye, ereta ddiri vatulli vaye.

Numeri 10:33

Sika yaatimulla ovenyera va mwaango wa Apwiya, yeeta olendo wa mallapo mararu. Yaahoolla ni nibokosi na echipangano na Apwiya wi athu attheenaalle yaphwanye nipuro nawiithuuwellavo.

Numeri 11:18

Waalleelle athwaayo wi, ‘Muddeellihe okhozekella ddoosiisello nave muneerocha enama. Nyuwaano mwahinlla Apwiya yiiwaka valle mwalloteenyu wi, Ttaani anaanivahe enama. Vallethi ddeko ddaananeetalla phaama o Iguputo.’ Sika ekaambiiwa Apwiya enaawuuvaheewani enama nave muneeroyicha.

Numeri 12:2

Alliwa yaakoha wi, “Ethiyo tti ddawoona wi Apwiya enallota oweella mwa Moseve? Ethiyo khenallotattho oweella mwa hiyaano?” Nave Apwiya yaaddiiwa ddenndda.

Numeri 14:2

Attheene yahaamba owiinyullulla Mose ni Aroni. Athu attheene yahaalleella wi, “Waaweerokhalla waphaama nakhwenlleke o Iguputo apaalle muchipululuni mwemmu.

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Numeri 14:27

“Ethiyo athu oonanara ddiiddaalla enaahiye niini okiinyullulla? Kohiiwa wiinyullulla wiwa nko enakeerelliiwa.

Numeri 14:28

Waalleelle wi Apwiya enallota wi, ‘Kinimallupella wi nnddo kiiwalleemi tti nnddo kinaaweerelleemini.

Numeri 16:11

Otthukumana wawiddiiddanngu, weyaano ni mullokwaawo, tti okangana ni Apwiya. Ethiyo Aroni tti aani wi mumuwukileke?”

Numeri 16:35

Vano vaakhara munllo woovenyera wa Apwiya nave wahaashellelliha athu 250 alle yathuwiha mwiisi lubani.

Numeri 17:5

Ekopo ya muthu oyo kinaamutthoolleemi eneerophuwa. Sika kineeromalliha okhupanya wa Aisraele nko eneeriiwa moovaanyihana ni weyaano.”

Numeri 21:5

Athwaalle yahaamba omwiinyullulla Mulluku ni Mose enallota wi, “Kaambiiwa tini mwanikhumihalleenyu mu ellapo ya Iguputo wi nikhwelle muchipululunimmu? Wuno khawuri yoocha naari maaddi nave yoocha yoohikhalla ni muttekweella yoonidduurya.”

1 Akorinto 10:10

Nihiwinyeke wonanko amodda a alliwaayo vawi yahiiphiwa ni Mungelo Awiipha.

Deuteronomo 25:18

Alliwa yahuuhellani ekhoto va ettilla, vaavo nyuwaano mutopille wunchichi. Nave yaawiipha akhwiinyu attheene ayo yeeta moohaakuva vawuuthwarani mutulli vawi Aamaleke kheyaamooville Mulluku.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Deuteronomo 9:22

“Nyu mwahaashiha murima Apwiya Mullukwaanyu mwaariinyu o Tabera, o Masa ni o Kiburoti Hatava.

Aheberi 12:29

Vawi Mullukwaahu ari wonanko munllo wawoononga.

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.