Numeri 10:2 - Mawu a Mulluku

² “Ohane mapallapata meelli a siliva. Yiipiweke voowiithanani athu ni vootimullani.

Numeri 10:2 Iomraidhean Croise

2 Mamwene 12:13

Koma mabeseni asiliva a o enyumba ya Apwiya, apaalle ddoopanella ddeko, embale, mapallapata, ddeko ddoopharihella mutteko okichini dda golide ni dda siliva, kheyaaddikullalle ni makobiri ayo yavelleelliiwa o enyumba ya Apwiya,

2 Epilli 5:12

Nave Alevi attheene awiipa machipo monga Asafu, Hemani ni Yedutuni, aniiwa ni abaliiwa oowara ekuwo ddabafuta aphaama eri ni misangwa, azeze ni magitala, yahiimella o embali ya wookhuma nndduwa wa nikuwa ni allupa mukutho 120 ayo yiipa mapallapata.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Masalimo 89:15

Nyu Apwiya, oodala tti athu ayo enadduwella wuullapellani, ayo eneeta mu owala wa ekhovaanyu.

Eksodo 25:18

Golide a mukhwipi vaddullu va yookhuneelleeyo amuhane wi aapange akerubi* eelli,

Eksodo 25:31

“Apange yoohiyavo enyali ya golide aphaama wunchichi. Nthimwa niwa, mwiirukulluni mwiwa, makapwiiwa ni ddooreerihella ottaphullella wi malluwa ni murwiiwa ddittheddenennddo ddihaniwe ovenyera va mukoko wagolide mmoddave.

Yesaya 1:13

Muhiweenattho mikutho ddoohikhalla ni mutteko vawi naari mwiisi wa lubani* onnakinanara. Ngivillellana mitthukumano ddanyu ddamavekello apaalle Ehakallallo dda Wooneya wa Mweeri ni dda mallapwaanyu a Sabata. Ngivillella ni mitthukumano ddoonanarihiwa ni machimo.

Yeremiya 4:5

Llalleya o Yuda ni o Yerusalemu wi, “Opani nipallapata mu ellapo ettheene nave mukhuwelle wi, ‘Tthukumanani niye o muzinda ddoollipa.’

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Yowele 1:14

Alamuleni athu wi ehalle ocha, ithanihani mutthukumano woopatuleya, atthukumaniheni oohoollella ni Ayuda attheene ewe o enyumba ya Apwiya Mullukwaanyu yinllelle wa alliwa.

Yowele 2:1

Ipani nipallapata o Ziyoni, khuwani moochenjeza va mwaangwaaka waweella. Nyu attheene ookhalla mu Yuda tthukumellani vawi nllapo na Apwiya ninimawa, nohaatamella.

Numeri 10:1

Apwiya yaamulleella Mose wi,

Numeri 10:7

Koma vawaatthukumanihani athu, niipiweke nipallapata koma nihiipiweke nipallapata noochenjeza.

Aefeso 4:5

Vookhalla Apwiya amodda, echikhulupililo emodda, obatiziwa omodda,