Numeri 10:10 - Mawu a Mulluku

¹⁰ Va mallapwaanyu oohakallalla, ootthoolliwa a Ehakallallo dda Wooneya wa Mweeri, mwiipe mapallapata mwaavelleellaka mikutho ddooshellelliha ni mikutho ddeeyaattano. Mapallapataayo eneerewuukaviherani wi kiwuupuwellekeni. Mi tti Apwiya Mullukwaanyu.”

Numeri 10:10 Iomraidhean Croise

2 Mamwene 4:23

Nave mamunooyo aamukoha wi, “Kaambiiwa tini ollello munayeenyu wa olliye? Ollellothi khe nllapo na Ehakallallo ya Wooneya wa Mweeri apaalle nllapo na Sabata.” Mutthiyanooyo ahaakhulla wi, “Khaviri yookatamiha.”

1 Epilli 15:24

Allupa mukutho, Shebaniya, Yoshafati, Natanele, Amasai, Zekariya, Benaya ni Eliyezere sika yaphwanella wiipa mapallapata vahoollo va nibokosi na echipangano na Mulluku. Obedi Edomu ni Yehiya alliwa yaarittho alonda a nibokosinno.

1 Epilli 15:28

Vano Aisraele attheene yaawaana nibokosi na echipangano na Apwiya ekhuwaka nave yiipaka eziitolilo, mapallapata ni misangwa. Nave yaaniipattho azeze ni magitala.

1 Epilli 16:42

Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.

2 Epilli 29:26

Alevi yahiimella ekusalle ezida ddawiipella machipo dda Davide nave allupa mukutho yakusalle mapallapata.

2 Epilli 29:28

Mutthukumano muttheene waallapella, amachipo ni amapallapata yiipaka. Ddittheddenenndda ddaavirellella ophiyera mukutho wooshellelliha omanlle.

2 Epilli 7:6

Allupa mukutho yahiimella m'mapuroni mwiwa mvo Alevi yiipiiwa machipo waatitimiha Apwiya voopharihani mutteko ezida ddiwa. Ezidanndda ddapangiwe ni Davide nave ddapharihiwa mutteko vawiipani nchipo na echikondi yoohisintheya ni yoohimalla ya Apwiya. Moowehana ni alliwaayo allupa mukutho yaaniipa mapallapata nave Aisraele attheene yaaniimella.

Ezara 3:10

Vano oomakattho enyumba yamakilliiwa matthipello a enyumba ya Apwiya, allupa mukutho yaaphiya yiipaka mapallapatiiwa ewarille ddoowara ddamukutho. Nave Alevi a mu nibanja na Asafu yaaphiya yiipaka misangwa mowaatitimiha Apwiya voothwarani malangizo a Davide mwene a Aisraele.

Nehemiya 12:35

Vaakhallattho anamwani amodda a allupa mukutho ayo yiipa mapallapata monga Zekariya mwaana a Yonatani, mwaana a Shemaya, mwaana a Mataniya, mwaana a Mikaya, mwaana a Zakuri, mwaana a Asafu.

Masalimo 150:3

Mutitimiheni voomwiipellani mapallapata, mutitimiheni voomwiipellani magitala ni azeze.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Masalimo 81:4

Vawi tti lamulo nowaakhallella a Israele noovenyera wa Mulluku a Yakobo.

Masalimo 89:15

Nyu Apwiya, oodala tti athu ayo enadduwella wuullapellani, ayo eneeta mu owala wa ekhovaanyu.

Eksodo 28:29

“Nave Aroni aavollowaka munipuroni naweella, awareke yoowara ya vakhakaddani yaweeruzella yoolembiwa manddina mattheene a anamwani a Aisraele wi mi Apwiya kiwuupuwelleke.

Eksodo 30:16

Makobiri awoopollellaayo oovenyera wa Aisraele, mupharihe mutteko wa musasa wamutthukumano. Ddenndda ddineerokuupusa mi Apwiya dda Aisraele nave ddinaakhalle ddawoopollella okumaanyu.”

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Levitiko 23:24

aalleelle Aisraele wi, “Va nllapo nawaamba na mweeri waneetthanu ni piilli, munisungeke wi nikhalle nllapo nuullupalli nawiithuuwa, nllapo nawuupuwella, noollalleyiwa ni mapallapata, nllapo na mutthukumano woopatuleya.

Numeri 10:9

Mwaayaaka woowana ekhoto mwiillaponi mwanyu ni adanaanyu ayo enuuhoosani, enthawi yeeyo mwiipe mapallapata wi Apwiya Mullukwaanyu kiwuupuwellekeni nave muneerovullusiwa wa adanaanyu.

Numeri 28:11

“Va nllapo nawaamba na orive mweeri, muvelleelleke wa Apwiya mukutho wooshellelliha. Mukuthooyo okhalleke wa anankhoro a asaanaang'ombe eelli, nankhoro a enkhosa emodda ni anankhoro a asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Numeri 29:1

“Va nllapo nawaamba na mweeri waneetthanu ni piilli, mweereke mutthukumano woopatuleya nave muhiphareke mitteko. Nllapo nenna mwiipeke mapallapata.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Mitteko 10:4

Olliye aamuweha mungeloolle oovaka akoha wi, “Apwiya, tti waphaama?” Mungeloolle ahaakhulla wi, “Mavekellwaawo navettho waakavihera wawo oohoowa ddohaakhullelliwa ni Mulluku wonanko mukutho.

1 Akorinto 15:52

mu enthawi yooyeva, mwawaakuva wonanko ominyalla wa niittho nipallapata noomalliha noopiwa. Vano athu ookhwa eneerovenyihiwa ni mwiilli woohimalla, hiyaanottho nineerotthattusiwa.

1 Atesalonika 4:16

Vineerokhalla okhuwa ni mawu a muullupalli a angelo, owaaka mawu a nipallapata na Mulluku nave Apwiya weekhiiwa eneerokittha ovenyera oddullu. Nave ayo yakhwille emukhulupililaka Yesu eneerovenya mwawaambeellella.

1 Atesalonika 4:18

Sika vano mullipihaneke murima ni mawu yaalla.

Yoswa 4:7

Mwaalleelleke wi, ‘Maaddi a m'muhinjeni wa Yordani yahiimella ehineeta, nibokosi na echipangano na Apwiya nallapuwiiwa muhinjoolla.’ Malluku yaalla ekhalle omboni wa Aisraele.”

Yoswa 6:4

Allupa mukutho atthanu ni eelli, arive muthu ari ni nipallapata na nnyaka na nankhoro a enkhosa, ehoollelleke nibokosi na echipangano. Va nllapo naneetthanu ni piilli, weyaano ni akhotwaawo, mwaapheelleke muzindooyo otthanu ni opiilli, allupa mukutho yiipaka mapallapataayo.

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

1 Samuele 20:5

Davide aamwaakhulla Yonatani wi, “Osiisello tti nllapo na Ehakallallo ya Wooneya wa Mweeri nave kinaphwanella wi kache ni amwene. Koma okaakhullelle wi kiipitthe m'matani ophiyera omuroto misikuwa.