Numeri 1:53 - Mawu a Mulluku

⁵³ Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Numeri 1:53 Iomraidhean Croise

1 Epilli 23:32

Mwawi eneerekowehera enyumba ya Apwiya. Nave eneerekewaakavihera anamwani a Aroni, abaliiwa vawaarumeyellani mwemmo.”

2 Epilli 13:10

“Koma wa hiyaano, Apwiya sika Mullukwaahu nave khanaawaahiyalle. Allupa mukutho ayo enaarumeyella Apwiya tti anamwani a Aroni nave Alevi ennaakaviherattho.

2 Epilli 13:11

Ennavelleella wa Apwiya mikutho ddooshellelliha orive ohinase ni orive misikuwa. Ennoosa lubani* na nthuko naphaama nave ennamuhiyattho buledi oovelleella va tebulo a golide aphaama navettho ennapwatha yoohiyavo enyali yagolide wi enyali ddiwa ddikhareke orive misikuwa vawi ninniiwellella nnddo enanilamula Apwiya Mullukwaahu koma nyu mohaahiya.

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Levitiko 10:6

Vano Mose aamulleella Aroni ni anaaye Eleazara ni Itamara wi, “Muhinakhalla oohipesa apaalle waahulla ddoowara ddanyu wooniha ethakaraka, woova wi munaakhwe navettho wooviha wi Apwiya eneerewaashella murima athu attheene. Koma Aisraele akhwiinyu sika enawinlle ekaamba ya munllo oyo Apwiya yaashellellihalliiwana Nadabu ni Abihu

Numeri 1:50

Koma waakuse Alevaayo wi epwatheke musasa wamutthukumano wa omboni, ezipangizo ddiwa ni ddittheddene ddiri mwemmo. Ewutukhulleke musasooyo ni ezipangizo ddiwa nave ewupwatheke. Misasa ddiwa edditthipelleke moowaapheella musasa wamutthukumanooyo.

Numeri 1:54

Mmu sika yeerelle Aisraele. Yaheera ddittheddene moollikana ni mmo Apwiya yamulamulelliiwa Mose.

Numeri 16:46

Mose aamulleella Aroni wi, “Kusa yoothuwihellaawo mwiisi ya lubani, ohellemo mankhalla amunllo wa vanikuwani nave ohellemo lubani. Oyeena mwawaakuva nko ori athu nave oweerelle mutetho woopepesella machimwiiwa. Apwiya aasha murima nave mullilli wohaamba khalle.”

Numeri 16:9

Ethiyo khadduukwakhwanelleni ddawi Mulluku a Israele ahuupatulani mu mulloko wa Aisraele wi muwe vakhuviru ni Apwiya wi mumurumeyelle o musasaaye wi muwiimellelleke ni waakavihera athu?

Numeri 17:7

Mose aaddihiya ekoponnddo vamiitthoni va Apwiya mu musasa wa mutthukumano.

Numeri 2:17

“Vaavo sika Alevi etimulle etukhullalle musasa wamutthukumano kaambiiwa misasa dda Alevi ddinakhalla variyari va misasa ddimodda. Moollikana ni mmo yatthipellelliiwa misasa ddiwa tti mmo enaaweetellekiiwa, orive mulloko vanipuroni viwa moollikana ni embendeliiwa.

Numeri 3:23

Mabanja a Agereshoni yaanatthipella misasa ddiwa otulli wa musasa wamutthukumano woovollowa nndduwa.

Numeri 3:29

Mabanja a Akohati yatthipella misasa ddiwa omwera wa musasa wamutthukumano.

Numeri 3:35

Zuriyele mwaana a Abihaili sika aari oohoollella mabanja a Merari. Alliwa yaanatthipella misasa ddiwa ompoto wa musasa wa Mulluku.

Numeri 3:38

Mose ni Aroni ni anaaye sika yatthipella misasa ddiwa owiitthoni wa musasa wamutthukumano, wookhuma nndduwa. Alliwa yaanarumeyella mu nipuro noopatuleya, munipuroni mwa Aisraele. Koma arive muthu anaawaatamelle musasa wamutthukumano aaniiphiwa.

Numeri 31:30

Nave va echigawo ya Aisraele attheene oohalla, mukusevo yawaakha okhotoni emodda va ddirive ddawaakha okhotoni 50, mukusevo emodda va akaporo, va eng'ombe, va abulu, va enkhosa ni va epuri, mwaavahe Alevi ayo enapwatha musasa wa Apwiya.”

Numeri 31:47

Nave va echigawo ya Aisraele attheene aakusavo emodda va ddirive ddawaakha okhotoni 50 va akaporo, va eng'ombe, va abulu, va enkhosa ni va epuri, aavaha Alevi ayo enapwatha musasa wa Apwiya moollikana ni mmo Apwiya yamulamulalliiwa Mose.

Numeri 8:19

Alevaayo kohaakusa variyari va Aisraele nave kohaavelleella wonanko emphaso wa Aroni ni anaaye wi erumeyelleke munipuroni mwa Aisraele mu musasa wamutthukumano. Yeereke mutetho woopepesella machimo a Aisraele wi mullilli ohaamorelle Aisraele ayo enaawatamelle vakhuviru ni nipuro oopatuleya.”

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

1 Samuele 6:19

Apwiya yaawiipha athu 70 o Beteshemeshi kaambiiwa yaatthurumella mu nibokosi na echipanganonne. Nave amodda yahinlla vawi Apwiya yaawiipha anchichi vamiitthoni viwa.