Numeri 1:50 - Mawu a Mulluku

⁵⁰ Koma waakuse Alevaayo wi epwatheke musasa wamutthukumano wa omboni, ezipangizo ddiwa ni ddittheddene ddiri mwemmo. Ewutukhulleke musasooyo ni ezipangizo ddiwa nave ewupwatheke. Misasa ddiwa edditthipelleke moowaapheella musasa wamutthukumanooyo.

Numeri 1:50 Iomraidhean Croise

2 Epilli 24:6

Vano mwene aamwiithana Yehoyada amukoha wi, “Ethiyo kaambiiwa tini wahaalleelleewe Alevi wi etotelle makobiri ovenyera o Yuda ni Yerusalemu ayo alamulalle Mose oorumeyella a Apwiya o mpingo wa Aisraele oopotokosella musasa wa mutthukumano?”

Nehemiya 12:22

Ollota dda Alevi, va enthawi ya Eliyashibu, Yoyada, Yohanani ni Yaduwa waalembiwa manddina a oohoollella a mabanja a Alevi ni a allupa mukutho ophiyera enthawi ya mwene Dariusi a o Peresiya.

Nehemiya 12:47

Nave enthawi ya Zerubabele ni enthawi ya Nehemiya, Aisraele attheene yaanavelleella nllapo ni nllapo ddoovelleella wa athu awiipa machipo ni alonda a mu millako o enyumba ya Mulluku nave yaanavelleellattho ddoopatuleya wa Alevi. Nave Alevaayo yaanapatulavottho dda anamwani a Aroni, allupa mukutho.

Nehemiya 12:8

Nave Alevi oohoollella wiipa machipo oothokoza yaari Yeshuwa, Binuyi, Kadimiyele, Serebiya, Yuda ni Mataniya vamodda ni abaliiwa.

Nehemiya 13:22

Nave kahaalamula Alevi wi eddeellihe weekhiiwa nave ewe wi ewehereke va millako wi nisungeke nllapo na Sabata wi nikhalleke naweella. Nyuwaano Mullukwaaka, upuwellanittho ddenndda, mukeerelle echifundo nave mukisunge moollikana ni echikondaanyu yuullupalli ni yoohisintheya.

Nehemiya 13:5

aamukhozera Tobiya echipinda yuullupalli mmo vawaamba yasungalliiwamo mikutho dda othu, lubani,* eziwiya, ddoovelleella dda allupa mukutho navettho ddaneekhumi dda ddoocha, dda vinyo ni dda makhura nnddo ddalamuliwe wi evahiwe Alevi, athu awiipa machipo ni alonda a millako o enyumba ya Mulluku.

Masalimo 122:4

Wenko onnaya malloko mattheene, malloko a Apwiya, wi yaathokoze moollikana ni malamulwiiwa.

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Eksodo 38:21

Ella sika echiwerengero ya golide, siliva ni mukuwa nnddo yaddipharihiiwa mutteko voopangani musasa wamutthukumano moollikana ni mmo Mose alamulalleeye. Alevi sika yaari ni odindo wooddeerenga nave aahoollella tti Itamara, mwaana a Aroni mullupa mukutho.

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Numeri 10:21

Vano Akohati yaatimulla etukhullalle ddeko ddoopatuleya. Musasa wamutthukumano waari omakiwe khalle alliwa ehinaphiye.

Numeri 17:7

Mose aaddihiya ekoponnddo vamiitthoni va Apwiya mu musasa wa mutthukumano.

Numeri 18:5

Nave muneerekorumeyella mu nipuro naweella ni va nikuwa wi Apwiya ehaashellettho murima Aisraele.

Numeri 2:17

“Vaavo sika Alevi etimulle etukhullalle musasa wamutthukumano kaambiiwa misasa dda Alevi ddinakhalla variyari va misasa ddimodda. Moollikana ni mmo yatthipellelliiwa misasa ddiwa tti mmo enaaweetellekiiwa, orive mulloko vanipuroni viwa moollikana ni embendeliiwa.

Numeri 20:11

Vano Mose aatukhulla nnatta naye avadda nlluku olendo wiilli ni ekopwaaye. Nave mwaakhuma maaddi manchichi nave athu attheene vamodda ni eziweto ddiwa yaawirya.

Numeri 4:15

Vano Aroni ni Anaaye, emallihalle okhuneella ddekonnddo ni ezipangizo ddiwa ddittheddene athu yaatthaamaka, Akohati sika enaatukhulleke ddenndda koma ehittannye ddeko ddoopatuleya wi ehikhwe. Ddenndda sika ddeko dda m'musasani wamutthukumano nnddo Akohati enaatukhullekiiwa.

Numeri 4:3

Muweerenge allopwana a miyakha 30 ophiyera a miyakha 50, attheene ayo enaarumeyelleke va mutteko wa mu musasa wamutthukumano.

Numeri 8:19

Alevaayo kohaakusa variyari va Aisraele nave kohaavelleella wonanko emphaso wa Aroni ni anaaye wi erumeyelleke munipuroni mwa Aisraele mu musasa wamutthukumano. Yeereke mutetho woopepesella machimo a Aisraele wi mullilli ohaamorelle Aisraele ayo enaawatamelle vakhuviru ni nipuro oopatuleya.”

Numeri 8:20

Mmu sika Mose ni Aroni vamodda Aisraele attheene yaweerelliiwa Alevi moollikana ni mmo Apwiya yamulamulelliiwa Mose.

Numeri 8:22

Vatulli viwa Alevaayo yaaphwanella ophara mutteko mu musasa wamutthukumano nave yaanamukavihera Aroni ni anaaye. Sika yaaweerella Alevaayo moollikana ni mmo Apwiya yamulamulelliiwa Mose.

Yawuupullulla 15:5

Ddimallille ddenndda kahoonattho masomphenya a enyumba ya Mulluku yooddullu nave musasa woomboni ohulliwe.