Nehemiya 9:4 - Mawu a Mulluku

⁴ Va nttattha namiteekho na Alevi, vahiimella Yeshuwa, Bani, Kadimiyele, Shebaniya, Buni, Sherebiya, Bani ni Kenani nave yaavekella mookhuwa wa Apwiya Mullukwiiwa.

Nehemiya 9:4 Iomraidhean Croise

2 Epilli 20:19

Nave Alevi, edduullu dda Kohati ni Kora ddahiimella wi ddaatitimihe Apwiya Mulluku a Israele mookhuwa wunchichi.

Nehemiya 12:8

Nave Alevi oohoollella wiipa machipo oothokoza yaari Yeshuwa, Binuyi, Kadimiyele, Serebiya, Yuda ni Mataniya vamodda ni abaliiwa.

Nehemiya 3:17

Vano esiri yawaatamana ni ya Nehemiya yamakiwettho ni Alevi. Rehumu mwaana a Bani sika aari awaamba. Esiri yawaatamana ni ya Rehumu yamakiwettho ni Hashabiya oolamulella a hafu a echigawo ya Keila.

Nehemiya 8:4

Nave Ezara namalembella ahiimella va nttattha namiteekho nno yanimakilliiwa ekaamba ya mutthukumanooyo. Onnattanatta waye wiimenlle Matitiya, Shema, Anaya, Uriya, Hilikiya ni Maaseiya. Wuunyotthoni waye wiimenlle Pedaya, Mishaele, Malikiya, Hashumu, Hashibadana, Zekariya ni Meshulamu.

Nehemiya 8:7

Athwaayo yiimenllettho Alevi yahaakavihera wi yiiwesese malamulo. Alevaayo tti Yeshuwa, Bani, Sherebiya, Yamini, Akubu, Shabetayi, Hodiya, Maaseiya, Kelita, Azariya, Yozabadi, Hanani ni Pelaya.

Nehemiya 9:5

Vano Alevi monga Yeshuwa, Kadimiyele, Bani, Hashabuneiya, Hodiya, Shebaniya ni Petahiya yaallota wi, “Ngavenyani naatitimihe Apwiya Mullukwaanyu enthawi ddittheddene. Nidalisiwe nnddina niwa nootitimiheya nno ninawellihiwa okhwaranya madaliso ni ollapella wutthewene.”

Masalimo 130:1

Nyu Apwiya, kinnawinllellani, kiri moowallamella.

Masalimo 3:4

Kinnakhuwella wa Apwiya wi ekiiwe. Alliwa ennakaakhulla ovenyera va mwaangwiiwa waweella.

Masalimo 77:1

Kinninllella moollipiha wa Mulluku, kinnakhuwella wa Mulluku wi akiiwe.

Maliro 3:8

Naari kinllellaka nikavihero, khiiwa ovekella wakanko.

Yohane 11:43

Nave allotille nndda, aakhuwa wi, “Lazaro, khuma!”

Mitteko 7:60

Aakokhora nave inlla ni mawu oowella wi, “Apwiya! Muhineerengella ochimwa wiwanngu!” Allotille ddenndda aakhwa.