Nehemiya 8:9 - Mawu a Mulluku

⁹ Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

Nehemiya 8:9 Iomraidhean Croise

2 Mamwene 22:11

Mwene iiwalle mawu a mu nibukhu na malamulo, ahaahulla ddoowara ddaye mweethakaraka.

2 Mamwene 22:19

waalapa ni wiiyeviha vamiitthoni va mi Apwiya. Kahuulleella wi kineerollaka muzindoolla ni athu attheene a mwemmo nave wi oneerotthattuwa nipuro nawoopiha ni nootulli. Vawi wohaahulla ddoowara ddawo winllaka vamiitthoni vaka, miyaanottho kohiiwa nivekello nawo. Mi Apwiya koollota.

2 Epilli 15:3

Vawi wa enthawi yoorekama Aisraele kheyaarina Mulluku awoona nave kheyaarina mullupa mukutho owaahuddiha navettho kheyaarina malamulo,

2 Epilli 30:22

Vano Hezekiya aallota moowaallipiha murima Alevi attheene yaphanre mutteko wa Apwiya mweeruso. Sika athu yaacha va machellello wa mallapo matthanu ni meelli, ovelleella mikutho ddeeyaattano ni waathokoza Apwiya Mulluku a makhollwiiwa.

2 Epilli 34:19

Vano mwene iiwalle mawu a malamulo ahaahulla ddoowara ddiwa mweethakaraka.

2 Epilli 34:21

“Khaweni mwaakohe Apwiya munipuroni mwaka ni mwa athu oohalla o Israele ni o Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

2 Epilli 35:3

Vatulli viwa aallota ni Alevi ayo yaahuddiha Aisraele attheene nave yaari oopatuleya wa Apwiya wi, “Muhiye nibokosi naweella mu enyumba eyo Solomoni mwaana a Davide mwene a o Israele amakilleeye. Vano khemunireyakattho va mathuri vanyu. Arumeyelleni Apwiya Mullukwaanyu ni Aisraele athwiiwa.

Ezara 2:63

Enduna yahaalleella wi ehichekena yoocha yaweellesesa ophiyera mullupa mukutho akohe Urimu ni Tumimu.*

Ezara 7:11

Olla sika kalata oyo mwene Aritakisereksesi amwinnyalleeye Ezara mullupa mukutho, namalembella, muhuddihi eeruso a malamulo a Apwiya ni malangizwiiwa mu Israele.

Nehemiya 10:1

Ayo yadindalle yaari enduna Nehemiya mwaana a Hakaliya ni Zedekiya.

Nehemiya 12:26

Yaalla sika yaarivo enthawi ya Yoyakimu mwaana a Yeshuwa, mwaana a Yozadaki navettho enthawi ya enduna Nehemiya ni ya Ezara mullupa mukutho navettho namalembella.

Nehemiya 7:65

Enduna yahaalleella wi ehichekena yoocha yaweellesesa ophiyera mullupa mukutho akohe Urimu ni Tumimu.*

Nehemiya 7:70

Amodda mwa oohoollella mabanja yaphiyalliiwa o enyumba ya Apwiya mu Yerusalemu, yaavelleella emphaso o enyumba ya Mulluku. Enduna yaavelleella wa oosunga eyuuma, makilogaramu 800 a golide, mabeseni 50 navettho mikanjo dda allupa mukutho 530.

Nehemiya 8:2

Vano Ezara mullupa mukutho aawaana nibukhunno vamiitthoni va athu yatthukumanillaayo, allopwana, atthiyana ni anamwani ayo yawora wiiwesesa phaama.

Oollalleya 3:4

Vookhalla enthawi yoomoriha miitthori ni enthawi yoottheya, enthawi yawinlla ni enthawi yawiina.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Levitiko 23:24

aalleelle Aisraele wi, “Va nllapo nawaamba na mweeri waneetthanu ni piilli, munisungeke wi nikhalle nllapo nuullupalli nawiithuuwa, nllapo nawuupuwella, noollalleyiwa ni mapallapata, nllapo na mutthukumano woopatuleya.

Malaki 2:13

Nave emodda mweerilleenyu tti yawi moonipwiniha nikuwa na Apwiya ni miitthori, winlla ni woopa ekutho ekaamba yawi khenaakhullella mikutho munavelleelleenyu wa alliwa.

Aroma 3:20

Vawi Mulluku khaamulungamihalle arive muthu vamiitthoni vaye ekaamba ya wiiwellella malamulo. Malamulo enakhulla moona waadduwelliha athu wi aachimwa.

Aroma 7:9

Khalle kaanakhalla mukumi malamulo ehiiwo koma malamulo yawiilliiwa, machimo yaakhalla ni masiva,

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

Deuteronomo 12:7

Wenkottho nyuwaano ni mabanjaanyu muneerocha ni ohakallalla vamiitthoni va Apwiya Mullukwaanyu ekaamba ya madaliso ayo yuuvahilleewani wi mitteko ddanyu ddittheddene ddeete phaama.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Deuteronomo 26:14

Ngichillevo naari emodda va yaneekhumi kinlleemi maliro. Ngaapharillevo naari emodda kaariimi ooripihiwa va mallapello. Nave nginavelleellekevo naari emodda wa ookhwa. Nyu Apwiya Mullukwaaka, kaawiiwellellani va ddittheddene mwalamulalleenyu dda yoovelleella yaneekhumi.

Yakobo 4:9

Khallani ni ethakaraka, inllani moomoriha miitthori. Ottheya wanyu otthattuwe winlla, ohakallalla wanyu otthattuwe okhupanya!