Nehemiya 8:3 - Mawu a Mulluku

³ Vano Ezara aheerenga ovenyera munibukhunimmo ari moowehana ni nthato na maaddi waambeella ohinase ophiyera otthaana vamiitthoni va allopwana, atthiyaana ni anamwani ayo yawora wiiwesesa phaama. Sika athu attheene yahaapella maaru o nibukhu na malamulo neerengiwanno.

Nehemiya 8:3 Iomraidhean Croise

Nehemiya 10:29

hiyaano attheene nahiiwanana ni abalaahu, oohoollellaahu, nillupella wi nineereweeta mu malamulo a Mulluku ayo yavelleelliwe oweella mwa Mose oorumeyella a Mulluku. Sika nineerewiiwellella malamulo mattheene ayo Apwiya Mullukwaahu yanilamulelliiwa nave nineerosunga malangizwiiwa mattheene. Nave nitembeleliwe naahiiwellella apaalle weera ddenndda.

Nehemiya 13:1

Nllapo nenno yaheerenga mookhuwa nibukhu na Mose vamiitthoni va athu nave waalembiwa wi, “Vihiwe viphwanyeya Mwamoni apaalle Mmowabu akhallakana mu mutthukumano wa Mulluku.

Nehemiya 8:1

Voophiyani mweeri waneetthanu ni piilli, Aisraele yaari ekeraattheyille m'mapuroni mwiwa. Vano athu attheene yaatthukumana vamodda vanthatoni moowehana ni mullako wa Maaddi. Vano athwaayo yaamuveka Ezara namalembella wi aweena nibukhu na malamulo a Mose nno Apwiya yaavahilliiwa Aisraele.

Nehemiya 8:18

Nave nllapo ni nllapo, waambeella nllapo nawaamba ophiyera nllapo nookomihera, Ezara aaneerenga ovenyera mu nibukhu na malamulo a Mulluku. Athu yaheera ehakallallo mallapo matthanu ni meelli nave va nllapo naneetthanu ni raru vaheereya mutetho woowallella mutthukumano moollikana ni nibukhu na malamulonne.

Nehemiya 8:4

Nave Ezara namalembella ahiimella va nttattha namiteekho nno yanimakilliiwa ekaamba ya mutthukumanooyo. Onnattanatta waye wiimenlle Matitiya, Shema, Anaya, Uriya, Hilikiya ni Maaseiya. Wuunyotthoni waye wiimenlle Pedaya, Mishaele, Malikiya, Hashumu, Hashibadana, Zekariya ni Meshulamu.

Nehemiya 8:5

Nave Ezara iimenlle vanttatthanimvo aakhunuulla nibukhunne athu attheenaalle yoonaka nave yahiimella.

Mariko 12:37

Sika Davide aamuromolla olliye wi Apwiya, Mesiya vano anaakhalle edduullu ya Davide mwawiidde?” Mulloko wa athu muullupalli watthukumannooyo waahakallalla voomwiiwani Yesu.

Luka 19:48

Koma kheyaaphwanyille ettilla yoomwiiphella kaambiiwa athu attheene yamwiiwenlle yahaakonda mawaaye wunchichi sika kheyaapaalla ohiyanana.

Luka 8:18

“Vano chenjerani ni mmo muniiwellaanyu mawu vawi muthu arina ello aneerovahiwa yawaanjerera. Koma muthu oyo ahinna ello aneerewaakhiwa naari eng'onong'ono eyo anaganizeeye wi ookhallana.”

Mitteko 13:15

Yamallihalliiwa weerenga ovenyera mu malamulo a Mose ni ehuddiho ya anamallotella, attekweene a mu enyumba yamavekello yahaarumihella mawu awi, “Akhwiihinyu, hiyaano ni napaalla wi mullote wa athwaalla mwaarina mawu owaallipiha murima.”

Mitteko 13:27

Vawi athu enakhalla o Yerusalemu ni attekweeniiwa kheyaadduwenlle wi olliyooyo tti oovullusa naari kheyaawiiwesesille mawu a anamallotella ayo yeerengiwa va nirive nllapo na Sabata. Voomwiipani mullatu Yesu yaakwakhwaniha mawu yallotiwe ni anamallotella.

Mitteko 15:21

Lamulo na Mose ninneerengiwa waambeella khalle mu enyumba ddamavekello* nirive nllapo na Sabata ni wi mawaaye ennallalleyiwa mu orive muzinda.”

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Mitteko 17:11

Athu a o Bereya yaari owiiwesesa ddeko ohiyana ni alle a o Tesalonika. Yaanaakhella othenga wa Paulo ni murima woottaphuwa nave nllapo ni nllapo yaanaashaasha mu mawu a Mulluku wi yoone nnddo allota Paulooyo ddaari ddiri ddawoona.

Mitteko 20:11

Vano aahokollweellattho mu enyumba ya vaddullweelle, amumeyameya buledi nave amucha ni hiyaano. Amallihalleeye okambirana wa enthawi yoorekama, ophiyera okhuma wa nndduwa, aatimulla.

Mitteko 20:7

Va Nllapo Namulungu naatthukumana vamodda wi namumeyemeye buledi. Paulo aallota wa athu ophiyera variyari va mahiiyu vawi atiyerella wi wasawo atimulle.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Deuteronomo 31:9

Vano Mose aalemba lamulonno nave aawinnya allupa mukutho, anamwani a Levi, ayo yapwatha nibokosi na echipangano na Apwiya. Nave aawinnyattho oohoollella a Israele.

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

Yoswa 8:35

Yoswa aheerenga nirive lamulo na Mose wa Aisraele attheene ayo yatthukumanne. Atthiyana ni anamwani ni alleto ayo yaari variyari viwa yaari vaavo.

Yawuupullulla 2:29

“Ngiiwani vano mwaarina maaru awiiwana ddinallota Munepa Waweella wa mipingo!”

Yawuupullulla 3:22

“Ngiiwani vano mwaarina maaru awiiwana ddinallota Munepa Waweella wa mipingo!”