Nehemiya 8:2 - Mawu a Mulluku

² Vano Ezara mullupa mukutho aawaana nibukhunno vamiitthoni va athu yatthukumanillaayo, allopwana, atthiyana ni anamwani ayo yawora wiiwesesa phaama.

Nehemiya 8:2 Iomraidhean Croise

Nehemiya 10:29

hiyaano attheene nahiiwanana ni abalaahu, oohoollellaahu, nillupella wi nineereweeta mu malamulo a Mulluku ayo yavelleelliwe oweella mwa Mose oorumeyella a Mulluku. Sika nineerewiiwellella malamulo mattheene ayo Apwiya Mullukwaahu yanilamulelliiwa nave nineerosunga malangizwiiwa mattheene. Nave nitembeleliwe naahiiwellella apaalle weera ddenndda.

Nehemiya 13:1

Nllapo nenno yaheerenga mookhuwa nibukhu na Mose vamiitthoni va athu nave waalembiwa wi, “Vihiwe viphwanyeya Mwamoni apaalle Mmowabu akhallakana mu mutthukumano wa Mulluku.

Nehemiya 8:18

Nave nllapo ni nllapo, waambeella nllapo nawaamba ophiyera nllapo nookomihera, Ezara aaneerenga ovenyera mu nibukhu na malamulo a Mulluku. Athu yaheera ehakallallo mallapo matthanu ni meelli nave va nllapo naneetthanu ni raru vaheereya mutetho woowallella mutthukumano moollikana ni nibukhu na malamulonne.

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

Nehemiya 9:1

Vano va nllapo na 24 na mweeri yoolla, Aisraele attheene yaatthukumana wi ehalle ocha, ewanre mathumba ni wiihella nthupi m'muruni. Nave Aisraele yahiipatula variyari va alleto attheene nave enawulula machimwiiwa ni ddoonanara dda makhollwiiwa.

Yesaya 28:9

Alliwa enallota wi, “Ethiyo muthu yoolla anaaka amuhuddihe aani? Ethiyo othengooyo anaaka amutthopoollelle aani? Ethiyo hiyaano tti anamwani oohiya wene waamwa, owaakhiwa wene nipelle?

Levitiko 23:24

aalleelle Aisraele wi, “Va nllapo nawaamba na mweeri waneetthanu ni piilli, munisungeke wi nikhalle nllapo nuullupalli nawiithuuwa, nllapo nawuupuwella, noollalleyiwa ni mapallapata, nllapo na mutthukumano woopatuleya.

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Numeri 29:1

“Va nllapo nawaamba na mweeri waneetthanu ni piilli, mweereke mutthukumano woopatuleya nave muhiphareke mitteko. Nllapo nenna mwiipeke mapallapata.

Mitteko 15:21

Lamulo na Mose ninneerengiwa waambeella khalle mu enyumba ddamavekello* nirive nllapo na Sabata ni wi mawaaye ennallalleyiwa mu orive muzinda.”

Deuteronomo 17:18

Nave muthooyo avollowa omwenooyo alembe mu nibukhu naayenaaye malamulo oollikana ni ayo eri mu nibukhu na malamulo ni ddoohuddiha dda Apwiya nno niri m'mattani mwa allupa mukutho Aalevi.

Yoswa 8:35

Yoswa aheerenga nirive lamulo na Mose wa Aisraele attheene ayo yatthukumanne. Atthiyana ni anamwani ni alleto ayo yaari variyari viwa yaari vaavo.