Nehemiya 8:16 - Mawu a Mulluku

¹⁶ Sika athu yaaya yaasha enthambinndde ewaana nave yaamaka misasanndde, arive muthu vaddullu va enyumbaaye apaalle va nthato naye navettho mu mathato a enyumba ya Mulluku, va mathato a mullako wa Maaddi ni a mullako wa Efuremu.

Nehemiya 8:16 Iomraidhean Croise

2 Samuele 11:2

Nllapo nimodda misikuwa, Davide aavenya vabedini vaye, aneeta vaddullu va enyumbaaye yoomwene. Ari vaddullumvo aamoona mutthiyana ahapaka. Mutthiyanooyo aari ooreera wunchichi.

2 Mamwene 14:13

Vano Yowashi mwene a o Israele aamuphara Amaziya mwene a o Yuda mwaana a Yowashi mwaana a Ahaziya o Beteshemeshi amuyaana o Yerusalemu. Nave Yowashi aakumulla mpanda wa Yerusalemu mamita 200 ovenyera va mullako wa Efuremu ophiyera va mullako wa Vakona.

2 Epilli 20:5

Nave Yehoshafati ahiimella variyari va mutthukumano wa Yuda ni Yerusalemu mu nthato nanaanweene na enyumba ya Apwiya

2 Epilli 33:5

Nave aamaka makuwa oollapellavo ddeko ddamuddullu m'mathatoni meelli a enyumba ya Apwiya.

Nehemiya 12:37

Nave va mullako wa Neetuutu yaawella va masitepe ooya o muzinda wa Davide voothwarani ettilla ya vasirini omwaako wa enyumba ya Davide o mullako wa Maaddi wookhuma nndduwa.

Nehemiya 12:39

Nave naweellettho omwaako wa mullako wa Efuremu, va Mullako Wakhalle, va Mullako wa Ehomba, va nttattha na Hananele ni nttattha na Handredi ophiya o Mullako wa Enkhosa nave voomallihellani nahiimella va Mullako wa Alonda.

Nehemiya 3:26

ni allupa mutteko a o enyumba ya Mulluku ayo yakhalla va Ofele ophiya o nipuro noowehana ni mullako wa Maaddi wookhuma nndduwa navettho nttattha noorekama.

Nehemiya 8:1

Voophiyani mweeri waneetthanu ni piilli, Aisraele yaari ekeraattheyille m'mapuroni mwiwa. Vano athu attheene yaatthukumana vamodda vanthatoni moowehana ni mullako wa Maaddi. Vano athwaayo yaamuveka Ezara namalembella wi aweena nibukhu na malamulo a Mose nno Apwiya yaavahilliiwa Aisraele.

Nehemiya 8:3

Vano Ezara aheerenga ovenyera munibukhunimmo ari moowehana ni nthato na maaddi waambeella ohinase ophiyera otthaana vamiitthoni va allopwana, atthiyaana ni anamwani ayo yawora wiiwesesa phaama. Sika athu attheene yahaapella maaru o nibukhu na malamulo neerengiwanno.

Yeremiya 19:13

Enyumba dda o Yerusalemu ni dda mamwene a o Yuda kineerodditthattusa ddooripihiwa wonanko Tofeti kaambiiwa tti enyumba nnddo vaddullu viwa yooselliiwavo lubani wa etheneeri ddooddullu, enavelleella mikutho ddoowirya wa milluku ddimodda.”

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Deuteronomo 22:8

“Mwaamakaka enyumba yanaanweene, moonesese wi moomaka mwanampanda vaddullu waapheella embali ddittheddene dda epattho. Sika vaavo khemwiipiwa mullatu woomwiipha moohidduwella mmodda amora vaddullumvo, akhwa.