Nehemiya 8:10 - Mawu a Mulluku

¹⁰ Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Nehemiya 8:10 Iomraidhean Croise

1 Mamwene 8:66

Va nllapo naneetthanu ni raru, Solomoni ahaalleella athwaayo wi eroweke. Yaamuthokoza mwenooyo nave yaarowa ni murima woohakallalla ni woothapella ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

1 Epilli 16:27

Ntitimiho ni omwene ddiri vamiitthoni viwa, masiva ni ohakallalla ddiri mpa mwiwa.

Nehemiya 8:11

Sika Alevi yahaakhurumusa athu attheene nave yahaalleella wi, “Muhunllettho wiilli vawi ollello tti nllapo naweella sika muhimoriwe ethakaraka.”

Nehemiya 8:12

Nave athu attheene yaarowa owaniwa wi yache ni owirya navettho wi yaakawelle athu amodda ddoocha wi yeereye ehakallallo yuullupalli ekaamba yawi yahiiwesesa mawu a malamulo ayo yeerengiwe wa alliwa.

Estere 9:19

Koma Ayuda a m'mizi, ookhalla m'mizindani ddoohikhalla ni mipanda ddawiitetezella wa adani, ennasunga nllapo na khumi ni sese na mweeri wa Adara okhalla nllapo noohakallalla, na machellello ni nawiithuuwa. Nave va nllapo nna ennarumihellana emphaso.

Estere 9:22

vawi yaari mallapo ayo Ayuda yiittaphullalliiwa ovenyera wa adaniiwa. Sika mweeri wa Adara waari mweeri oyo ethakaraka ni winlla ddatthattuwalliiwa ohakallalla. Mordekai ahaalleellattho wi mallapo yaalla ekhalleke a ehakallallo ni a machellello voorumihellana ddoocha ddaphaama navettho waavaha emphaso athu oohoowa.

Masalimo 149:2

Aisraele ehakallalle ni awaaphatusiiwa, athu a o Ziyoni ethapelle ni mweniiwa.

Masalimo 89:17

Vawi nyuwaano tti ntitimiho na masiviiwa, voonaakhullellani nnyaka nahu ninnapambana.

Miyambo 17:22

Murima woohakallalla onnattaphulla mwiilli koma woovoreya onnapwesa makhuva.

Oollalleya 11:2

Kawa eyuuma ezigawo dditthanu ni piilli apaalle dditthanu ni raru vawi khonadduwella otulli oyo onaamore vatthimva.

Oollalleya 2:24

Kheyiivo emodda yaphaama wa muthu okhwaranya yoocha, yoowirya ni ohakallallella mitteko ddaye. Kaadduwella wi ddenndda tti ddoovenyera wa Mulluku.

Oollalleya 3:13

Muthu acheke, awiryeke nave ahakallalleke ni mitteko ddaye vawi tti emphaso ya Mulluku.

Oollalleya 5:18

Kheyiivo emodda yaphaama wa muthu okhwaranya yoocha, yoowirya ni ohakallallella mitteko ddaye nnddo muthu anaphareeye vatthimva, mallapo ooyeva a okumaaye oyo Mulluku amuvahilleeye. Yeella tti echigawaaye.

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Yesaya 49:5

Apwiya sika yakoopille m'mirimani mwa amoowaaka wi kikhalle oorumeyelliiwa, wi kihokolloselle nlloko na Yakobo wa alliwa, wi kaatthukumanihe Aisraele vakhuviru ni alliwa. Sika kinnavahiwa olemu vamiitthoni va Apwiya, kinnaphwanya masiva mwa Mullukwaaka.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Zekariya 14:21

Erive epalli ya o Yerusalemu ni o Yuda eneeropatulelliwa wa Apwiya Amasiva Mattheene. Attheene oovelleella mukutho o Yerusalemu eneerophariha mutteko epallinnddo vawaapeyani enama dda mukutho. Nllapo nenno khavooneyattho arive amalonda mu enyumba ya Apwiya Amasiva Mattheene.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

2 Akorinto 8:2

Yaheesiwa wunchichi ni ddoohoosa yoonilliiwa koma ohakallalla wiwa waari wuullupalli. Nave yaavelleella mwawoollowa matta naari eri oohoowa wunchichi.

Afilipi 3:4

Ddawoona, miyaano kaakhulupilila ddeko ddenndda. Vakhalla mmodda ari ni ekaamba yookhulupilila ddenndda, miyaano kookhallattho ni ekaamba ddookhwaranya ohiyana ni vaavo.

Yawuupullulla 11:10

Athu a va ellapo yavatthi eneerohakallalla ekaamba ya okhwa wa amboni eellaalla. Eneereweera ehakallallo ni orumihellana emphaso kaambiiwa anamallotella eellaayo yaanaahoosa athu a va ellapo yavatthi.

1 Samuele 25:8

Mwaakohe allupa muttekwaanyu eneerewuulleellani emoddamoddave yeeyo. Sika muweerelle ddaphaama athwaakaayo vawi niwiille enthawi ya ehakallallo. Mwaavahe athwaakaayo ni miyaano mukhwiinyu Davide, erive ello eyo munaakhalleenyuna.’ ”