Nehemiya 7:3 - Mawu a Mulluku

³ Nave kahaalleella wi, “Ddihihulliwe millako dda Yerusalemu ophiyera nndduwa niwenlle nave ddiwalliwe phaama alonda ootthaana ehinaworowe. Mwaatthoolle alonda variyari va athu ookhalla mu Yerusalemu, arive muthu akhalle vanipuroni vaye apaalle moowehana ni enyumbaaye.”

Nehemiya 7:3 Iomraidhean Croise

Nehemiya 13:19

Vano misikuwa waamba wa nllapo na Sabata kaalamula wi machiwi a millako dda Yerusalemu ewalliwe nave wi ehihulliwe ophiyera omalla wa nllapo na Sabata. Nave vamillakonimvo kahaahiyavo mullupa muttekwaaka amodda wi ewehereke millakonnddo woonesesa wi ehivollochihiwettho erive malonda m'muzindanimmo nllapo na Sabata.

Nehemiya 3:23

Vano esiri yawaatamana ni ya allupa mukutho yamakiwettho ni Benjamini ni Hashubu yoowehana ni enyumba ddiwa nave esiri yawaatamana ni ya Benjamini ni Hashubu yamakiwe ni Azariya mwaana a Maaseiya mwaana a Ananiya moowehana ni enyumbaaye.

Nehemiya 7:2

Kaamutthoolla mwanamunnaka Hanani ni Hananiya, muullupalli akhoto wi eellaayo elamulelleke Yerusalemu. Hananiya aari muthu oororomelleya ni oomoova Mulluku waakhwaranya athu anchichi.

Nehemiya 7:4

Muzinda wa Yerusalemu waari wooramballalla navettho muullupalli koma athu yaarimo vang'ono nave enyumba ddaari ddihinamakiwemo.

Masalimo 127:1

Apwiya yaahimaka enyumba, oomaka enyumbaayo enamakella nivuddo. Apwiya yaahiwuwehera muzinda, oowehera enasedderella nivuddo.

Masalimo 147:13

Vallethi ennallipiha mikoko dda millako ddawo, ennaadalisa athu ayo eri mwa weyaano.

Mateyu 10:16

“Kinuurumihani wonanko enkhosa variyari va enama ddawoopiha. Vano muchenjereke wonanko enowa nave mumaalleyeke wonanko ekhunda.