Nehemiya 6:9 - Mawu a Mulluku

⁹ Vawi attheene yapaalla onoopopiha vooganizani wi Ayuda eneerohiya muttekooyo nave khovirellella. Koma vano Mulluku, llipihani mattaaka.

Nehemiya 6:9 Iomraidhean Croise

2 Epilli 15:7

Koma nyu, llipani murima! Mattaanyu ehifooke vawi muneerothuviwa ekaamba ya muttekwaanyu.

2 Epilli 32:18

Nave yaallalleya ddenndda mookhuwa mu Eyuda wa athu a o Yerusalemu ayo yaari vasirini wi ewoopopihe ni waatthukumelliha wi ewaakhe muzindooyo.

Ezara 1:6

Nave athu attheene yawaaphenlle yahaakavihera vawaavahani eziwiya ddasiliva, golide, katundu, eziweto navettho emphaso ddoowallamella mutengo.

Nehemiya 6:14

Mullukwaaka, wuupuwelleni Tobiya ni Sanibalati moollikana ni yeerilliiwanndda navettho namallotella aamutthiyana, Nowadiya, owaaka anamallotella amodda yapaalla okoopopiha.

Masalimo 138:3

Va nllapo nne kawiitthanneemini mwaakaakhulla, munnakillipiha murima ni masivaanyu.

Masalimo 56:3

Kawooveemi, kuuroromellani nyuwaano.

Masalimo 68:35

Mulluku tti awoopiha mu nipuro naye noopatuleya. Mulluku a o Israele sika anavaha masiva ni waallipiha mwiilli athwaaye. Mulluku atitimiheye!

Masalimo 71:1

Apwiya kinathawella wa nyuwaano, muhikiwullihe muru.

Yesaya 40:29

Ennaallipiha ootopa, ennawoonjerera masiva oofooka.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yeremiya 38:4

Vano enduna ddaamulleella mwene wi, “Muthoolla anaphwanella wiiphiwa. Annaatathilliha murima akhoto ni athu attheene oohalla mu muzinda ekaamba ya ddoollota ddaye. Muthu yoolla khanawaashera ddaphaama athu, anapaalla wi yoonongiwe.”

Ezekiele 30:24

Kineerollipiha matta a mwene a o Babulo nave kineerohiya m'mattani mwaye nsupada naka. Koma Farao kineeromwinttaka matta nave aneerewiipullella wonanko oophoriihiwa variyari va mwene a o Babulo.

Zekariya 10:12

Kineerewaallipiha athwaaka, eneereweeta moollapella mu nnddina naka, mi Apwiya koollota.”

2 Akorinto 12:9

Koma ahaakhulla wi, “Echisomwaaka sika enapaalleya mwa weyaano vawi masivaaka enunnuwa wakhalla oofooka.” Vano koohakallalla ni murimaaka muttheene wi kikotelleke dda ofooka waka wi masiva a Khrisitu enooneya mwa miyaano.

Aefeso 3:16

Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Aheberi 12:12

Sika okollani mattaanyu oofooka ni makutthaanyu oovelleveddeya.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.