Nehemiya 6:8 - Mawu a Mulluku

⁸ Sika kaamurumihella mawu awi, “Mullotilleenyunnddo kheddeereyille vawi munimoona oddiganizera m'murimani mwanyu.”

Nehemiya 6:8 Iomraidhean Croise

Nehemiya 6:7

Mohaahiyawottho anamallotella wi ellalleyeke dda nyuwaano mu Yerusalemu wi, ‘Vano mu Yuda mookhalla mwene.’ Vano amwene enerotthopoollelliwa mawaalla. Sika waani nikambirane attheene vamodda.”

Yobu 13:4

Nyuwaano tti ooddiva vayanoni, attheenenyu tti allupa murete awoottha.

Masalimo 36:3

Mawu avayanoni vaye tti oonanara nave oolleka, khaneerattho ddeezeru apaalle ddaphaama.

Masalimo 38:12

Awaashaasha okumaaka, ennakireya millapa, oopaalla okivoreya ennallota ddookoononga, nllapo nittheene ennapanganella ddoonanara.

Masalimo 52:2

We awoottha onaganiza ddawoononga, nllumi nanyu tti wonanko mpeni wawiisha.

Yesaya 59:4

Khaavo anamwiipa mullatu mukhwaaye moolungama khaavo anaaye o nthato namillatu mwawoona. Enaroromella etthiru, enakhallella ollota ddawoottha. Ddawoona, athu oonanara ennakusa erukullu ya ddoonanara, ennayara makhallello oonanara.

Daniele 11:27

Vatulli viwa mamwene meellaayo eneerochella vamodda koma mirima ddiwa ddinaakhalle ddoolleka nave eneerewoottotthana. Koma khephuravo ello ekaamba yawi enthawi khenaphiye.

Mateyu 12:34

Nyu enowa! Munaawore mwawiidde ollota ddaphaama muri oonanara? Vawi eyano enallota nnddo ddiddanlle m'murimani.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Mitteko 25:10

Paulo aallota wi, “Kiimenlle va nthato namillatu na Kaisara, sika tti vaava kinaphwanelleemi wi keeruziwe. Nyuwaano nyookha munnadduwella phaama wi ngeenre ello yoonanara wa Ayuda.

Mitteko 25:7

Paulooyo aphiyalleeye, Ayuda yavenyenre o Yerusalemu yaavenya emwaapheella nave yaamba omuvaanyiha ni ddeko ddinchichi ddawoopiha koma ddoohikhalla ni omboni.