Nehemiya 4:7 - Mawu a Mulluku

⁷ Koma Sanibalati, Tobiya, Aarabu, Aamoni ni Aasidodi yiiwalliiwa wi mutteko woomaka mpanda wa Yerusalemu onnavirellella nave wi mapuro a mpanda ookumuwaalle aamakiwattho, yaananariwa wunchichi.

Nehemiya 4:7 Iomraidhean Croise

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

2 Mamwene 24:2

Sika Apwiya yaarumiha milloko ddakhoto dda Ababiloni, dda Asiriya, dda Amowabu ni dda Aamoni wi yamuhelle ekhoto Yuda ophiyera woononga ellapweeyo moollikana ni mmo Apwiya yallotilliiwa oweella mwa oorumeyelliiwa anamallotella.

2 Epilli 20:1

Vatulli viwa Amowabu, Aamoni ni Ameuni amodda yaawa wi ewane ekhoto ni Yehoshafati.

Ezara 5:8

“Nyu amwene, dduwellani wi naaya o echigawo ya Yuda, o enyumba ya Mulluku muullupalli. Enimamakiwattho ni malluku muullupalli nave matabwa enimatthattiwa musirini mwiwa. Muttekoolla ennawuphara mwawaakuva nave onnaweetella phaama.”

Nehemiya 2:10

Koma Sanibalati Muhoroni ni Tobiya oohoollella a Aamoni yiiwalliiwa wi muthu mmodda aawa aweerella Aisraele ddaphaama yaananariwana wunchichi.

Nehemiya 2:19

Koma Sanibalati Muharoni, Tobiya oohoollella a Aamoni ni Geshemu Mwaarabu yiiwalliiwa nnddo nakhozekelleehu wi neere, yaanittheya nave yaaninyaambusa ellota wi, “Muneereenyunndda tti tini? Ethiyo munavaanyihana ni amwene?”

Nehemiya 4:1

Vano Sanibalati iiwalleeye wi naamakattho mpanda, aasha murima nave ahaattheya Ayuda mweepewe.

Nehemiya 4:6

Sika naamakave mpanda nave mpanda muttheene waamallihiwa omakiwa ophiyera hafu oya muddullu vawi athu yaaphara mutteko mwawiivelleella.

Nehemiya 4:8

Vano yahiiwanana ddoohella ekhoto o Yerusalemu wi yaanganyere m'muzindanimmo.

Nehemiya 6:16

Nave adanaahu yiiwalle yeella, mitundu ddittheddene ddoonaapheella, kaawiithaniha allupa mukutho nave kahaallupelliha vawi yaadduwella wi muttekoolla wakwakhwanihiwe ni okavihera wa Mullukwaahu.

Yeremiya 25:20

owaakattho wa athu a mitundu ddimodda ookhalla mu Iguputo. Yaakirumattho wa mamwene mattheene a o Uzi, wa mamwene mattheene a o mizinda dda Afilisti, sika wi Ashikeloni, Gaza, Ekeroni ni o echigawo yoohalla ya o Ashidodi.

Yeremiya 41:10

Vatulli viwa Ishmaele ahaaphara okaporo athu attheene yahanlle o Mizipa. Athwaayo yaari anamwani aatthiyana a mwene ni attheene oohalla o Mizipa ayo Nebuzaradani oohoollella a akhoto aahiyalleeye m'mattani mwa Gedaliya mwaana a Ahikamu wi akhalle oolamulella. Nave Ishmaele ahaaphara aayaana o ellapo ya Aamoni.

Amosi 1:13

Apwiya enallota wi, “Ekaamba ya ddoolakwa ddiraru dda Amoni apaalle ddisese, ngihiya omullaka, yahaaphulla atthiyana eerukullu o Giliyadi wi yunnuwihe maliriiwa.

Amosi 1:8

Kineerewaavenyihamo ookhalla mu Ashidodi navettho oyo anaalamulelleke o Ashikeloni. Kineerewoononga muzinda wa Ekeroni ni nnatta naka nave Afilisti oohalla eneerewoonongeya.” Mi Apwiya Mulluku koollota.

Amosi 3:9

Ollalleye wa athu ookhalla o mipanda ddoollipa dda Ashidodi navettho wa ookhalla mu mipanda ddoollipa dda o Iguputo wi, “Mutthukumane omiyaangoni dda o Samariya, moone ddoovirikana dduullupalli ni ddoonyingallella ddineereya wenko.

Mitteko 5:33

Athu a va nthato namillatu yiiwalliiwa yeella, yaananariwa wunchichi wawi yaapaalla owiipha amurummwa.

Yawuupullulla 12:17

Enowa yuullupalleelle yaasha murima ni mutthiyanooyo nave evira wi yawane ekhoto ni anaaye oohalla a mutthiyanooyo, yaalla sika athu attheene enathwara malamulo a Mulluku ni ovelleella omboni dda Yesu.

1 Samuele 11:2

Koma Nahashi Mwaamoni ahaalleella wi, “Kineereweera echipangano ni nyuwaano mwakaakhullella wi arive muthu a nyuwaano kimutthorokolle niittho noonnattanatta wi kaawullihe muru Aisraele attheene.”