Nehemiya 4:2 - Mawu a Mulluku

² Nave aallota vamiitthoni va abalaaye ni vamiitthoni va mulloko wakhoto wa o Samariya wi, “Ethiyo Ayuda oohikhalla ni muttekwaalla eneeravo tini? Ethiyo enaganiza wi ttuumakattho muzindoolla? Ethiyo ttuuvelleellattho mikutho? Ethiyo ttuumalliha nllapo nimodda? Ethiyo ttuuvenyihattho malluku akhalle m'matepeni ayo eshille?”

Nehemiya 4:2 Iomraidhean Croise

Ezara 4:4

Vano athu a mwiillaponimmo yahaakukhumulla mwiilli Ayuda ni owoopopiha wi ehiye omakattho.

Nehemiya 12:27

Vano voopatulani mpanda wa Yerusalemu yaawiithana Alevi ovenyera orive weko yakhalliiwa wi ewe o Yerusalemu voopatulani mpanda moohakallalla ni moothokoza vawiipani machipo moophariha mutteko ezida monga mapallapata, magitala ni azeze.

Nehemiya 12:43

Nave va nllapo nenno yaavelleella mikutho ddinchichi nave yaahakallalla wunchichi vawi Mulluku aaweeriha wi ehakallalle. Atthiyana ni anamwani yaahakallallattho nave ohakallalla wa athu a o Yerusalemu wahiiweya wuuteete.

Nehemiya 4:10

Koma Ayuda yaallota wi, “Athu oophara mutteko aatopa nave mutteko wootathilla ddookumuwa wohunnuwa mwawi khannawora ophara mutteko vampandanimvo.”

Nehemiya 6:15

Sika esiri ya mpanda yaamallihiwa omakiwattho va nllapo na 25 na mweeri wa Eluli, sika wi viviralle mallapo 52.

Masalimo 83:4

Ennallota wi, “Hankoni nitthollose mutundwiiwa muttheene, nnddina na Israele nihuupuwelleyettho.”

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 33:24

wi, ‘Apwiya ahaakhoota mabanja meellaalle yaatthoollilliiwa?’ Sika athwaayo enanyaambusa mullokwaaka oohiweesattho wonanko mutundu wa athu.

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Habakuku 3:2

Nyu Apwiya, kahiiwa epillaanyu ni woova, Apwiya, hihimullani muttekwaanyu mallapo allello, muwudduwanyeyihe mu mallapwaahu. Naari mushille murima, muhitiwalle echifundwaanyu.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

1 Akorinto 1:27

Koma Mulluku aatthoolla nnddo ddiri ddookarangeya vamiitthoni va athu wi aawullihe muru athu eezeru. Aatthoolla nnddo ddiri ddoofooka wa athu wi aawullihe muru athu amasiva.