Nehemiya 3:3 - Mawu a Mulluku

³ Athu a nibanja na Hasena yaamaka mullako wa Ehomba emakellella maferemu vamodda ni machiwiiwa, ddoowallella ni ddoollipiha ddiwa.

Nehemiya 3:3 Iomraidhean Croise

2 Epilli 33:14

Vatulli viwa aamaka esiri otte wa muzinda wa Davide woovollowa nndduwa wa Gihoni ovenyera o ntapo ophiyera voovollowella o mullako wa Ehomba. Nave aamaka esireeyo waapheella Ofele ayiwelliha muddullu wunchichi. Ahaahiyamottho oohoollella a akhoto o mizinda ddamipanda ddittheddene dda o Yuda.

Ezara 2:35

Allopwana a o Sena yaari 3,630.

Nehemiya 12:39

Nave naweellettho omwaako wa mullako wa Efuremu, va Mullako Wakhalle, va Mullako wa Ehomba, va nttattha na Hananele ni nttattha na Handredi ophiya o Mullako wa Enkhosa nave voomallihellani nahiimella va Mullako wa Alonda.

Nehemiya 2:8

Nave mukinnyettho kalata mmodda a Asafu oowehera otthako wamwene wi akivahe matabwa oopangella machiwi a millako dda mpanda wa enyumba ya Mulluku, a mpanda wa muzinda ni a enyumba eyo kinaakhallekeemimo.” Nave mwene aakinnya nnddo kavekilleemi vawi nnatta naphaama na Mulluku naari va miyaano.

Nehemiya 3:4

Vano esiri yawaatamana ni ya a nibanja na Hasena yamakiwettho ni Meremoti mwaana a Uriya mwaana a Hakozi nave esiri yawaatamana ni ya Memoreti yamakiwettho ni Meshulamu mwaana a Berekiya mwaana a Meshezabele nave esiri yawaatamana ni ya Meshulamu yamakiwettho ni Zadoki mwaana a Baana.

Nehemiya 3:6

Yoyada mwaana a Paseya ni Meshulamu mwaana a Besodeiya yaamakattho Mullako Wakhalle emakellella maferemu vamodda ni machiwiiwa, ddoowallella ni ddoollipiha ddiwa.

Nehemiya 6:1

Sanibalati, Tobiya, Geshemu Mwarabu navettho adanaahu amodda yahiiwa wi noomalliha omakattho mpanda nave wi khaviivo vamodda vihanlle (naarive wi ophiyera enthawi yeeyo ngaamakellelle machiwi m'millakoni mwiwa).

Nehemiya 7:1

Vano mpanda wa muzindoolle wamakiwiiwattho, kaamakellellamo machiwi nave yaatthoolliwa alonda a millako dda enyumba ya Mulluku, athu awiipa machipo navettho Alevi.

Nehemiya 7:38

Allopwana a o Sena yaari 3,930.

Masalimo 147:13

Vallethi ennallipiha mikoko dda millako ddawo, ennaadalisa athu ayo eri mwa weyaano.

Zefaniya 1:10

Apwiya enallota wi, “Va nllapo nenno winlla wuullupalli oneerewiiweya o mullako wa Musika Weehomba, ekutho yuullupalli oneerewiiweya o echigawo ya variyari va muzinda wa Yerusalemu, oneerowiiweyattho okhuwa wa okumuwa ovenyera o asimiyaango.