Nehemiya 2:3 - Mawu a Mulluku

³ Kaallota wa mwene wi, “Amwene ekhalle ni okumi woorekama! Ekhovaaka enooneye moohikhumuwa mwawiidde mvo muzinda nko ori mahame a makhollwaaka wootthattusiwa ntepe nave machiwi a millako ddiwa ahoonongeya ni munllo?”

Nehemiya 2:3 Iomraidhean Croise

1 Mamwene 1:31

Vano Batesheba aakokhora moovelleella olemu wa mwene allota wi, “Apwiyaaka, mwene Davide ekhalle ni okumi wa enthawi yoohimalla!”

2 Mamwene 25:8

Nllapo naneetthanu ni piilli, mweeri waneetthanu, muyakha wa 19 wa omwene wa Nebukadinezara a o Babiloni, Nebuzaradani, muullupalli a alonda akhoto aawa o Yerusalemu.

2 Epilli 21:20

Olliye aari ni miyakha 32 mvo aambeeye olamulella nave aalamulella miyakha mitthanu ni miraru mu Yerusalemu. Akhwilleeye khaavo naari mmodda ammorelle ethakaraka. Yaamuvittha mu muzinda wa Davide koma ohiri mu mahame a mamwene.

2 Epilli 28:27

Vano Ahazi aakhwa nave aavitthiwa mu muzinda wa Yerusalemu koma ohiri mu mahame a mamwene a o Israele. Vano Hezekiya mwanaye aavollowa omwene munipuroni mwaye.

2 Epilli 32:33

Vano Hezekiya aakhwa nave yaamuvittha omwaako wa mahameni a edduullu dda Davide. Nave athu attheene a o Yuda ni Yerusalemu yaamuvaha olemu va malirwaaye. Vano Manase mwanaye aavollowa omwene munipuroni mwaye.

2 Epilli 36:19

Nave yaahella munllo enyumba ya Mulluku ni yoomwene, ekumulla mpanda wa Yerusalemu nave yoononga eziwiya ddittheddene ddoowallamella mutengo.

Nehemiya 1:3

Nave yaakaakhulla wi, “Athu yahokollowille wuukaporoni ayo enakhalla mu echigawo eri mu ddoohoosa dduullupalli nave ennavevulliwa. Mpanda wa Yerusalemu wookumuwa nave machiwi a millako ddiwa ahoonongeya ni munllo.”

Nehemiya 2:13

Mahiiyu kaakhuma kiweella va mullako wa Ntapo kaphiya o ehime ya Enama Yam'maaddini ni va mullako wa Mashi nave kaheetella mpanda wa muzinda ni machiwi yoonongiwe ni munllo.

Estere 8:6

Kinaawore ovillella mwawiidde, vawoonani mullilli oyo onaamorella athu a nlloko naka? Apaalle kinaawore mwawiidde ovillella, vawoonani abalaaka yiiphiwaka?”

Masalimo 102:14

Oorumeyellaanyu ennahakallallana mallukwaaye, ennamorella ethakaraka nthupi naye.

Masalimo 102:15

Mitundu dda athu ddineerekewoova nnddina na Apwiya, mamwene mattheene a va ellapo yavatthi eneerekewoova ntitimiho niwa.

Masalimo 137:6

Nllumi naka niwanddeellelle muddullu mwa muwano mwaka, kaahiwuupuwella we Yerusalemu ni owoona wi weyaano tti ookihakallalliha wunchichi.

Masalimo 38:7

Mwiillaaka muttheene wooviha, virive veko vinnakivoreya.

Yeremiya 52:12

Nllapo naneekhumi na mweeri waneetthanu muyakha wa 19 wa omwene wa Nebukadinezara a o Babiloni, Nebuzaradani muullupalli a alonda akhoto aawa o Yerusalemu.

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

Daniele 2:4

Vano oollotella ddamuhoollo yamwaakhulla mwene mu Earamu wi, “Nyu amwene, mukhalle ni okumi woorekama. Nilleelleni nnddo mullohilleenyu, nineerewuutthopoollellani ottaphullella wiwa.”

Daniele 3:9

Alliwa yaallota wa mwene Nebukadinezara wi, “Nyu amwene, mukhalle ni okumi woorekama.

Daniele 5:10

Mwaaramwene iiwalleeye mawu a mwene ni a enduna ddaye aavollowa mu echipinda ya machellello allota wi, “Mukhalle ni okumi woorekama amwene. Pepaani, muhaapheelle muru, muhiriiryiwe!

Daniele 6:21

Daniele aamwaakhulla mwene wi, “Nyu amwene, mukhalle ni okumi woorekama!

Daniele 6:6

Sika yaaya wawoonana ni mwene Dariusi, emulleella wi, “Nyu amwene, mukhalle ni okumi woorekama.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.