Nehemiya 2:13 - Mawu a Mulluku

¹³ Mahiiyu kaakhuma kiweella va mullako wa Ntapo kaphiya o ehime ya Enama Yam'maaddini ni va mullako wa Mashi nave kaheetella mpanda wa muzinda ni machiwi yoonongiwe ni munllo.

Nehemiya 2:13 Iomraidhean Croise

2 Epilli 26:9

Aamaka mattattha mu Yerusalemu o mullako wa Vakona, mullako wa Ntapo ni va Ekona nave aaddillipiha.

Nehemiya 1:3

Nave yaakaakhulla wi, “Athu yahokollowille wuukaporoni ayo enakhalla mu echigawo eri mu ddoohoosa dduullupalli nave ennavevulliwa. Mpanda wa Yerusalemu wookumuwa nave machiwi a millako ddiwa ahoonongeya ni munllo.”

Nehemiya 12:31

Nave kaawaana oohoollella a o Yuda kiwellana va esiri ya mpandooyo. Kaatthoolla milloko miilli dduullupalli wi ddimuthokoze Mulluku ni machipo vawaapheellani muzindooyo. Mulloko mmodda wayiille onnattanatta va esiri ya mullako wa Mashi.

Nehemiya 2:12

Nave ngaamulleelle arive muthu nnddo Mulluku addihiyalleeye m'murimani mwaka wi kimweerelle Yerusalemu. Vano kaavenya mahiiyu vamodda ni athu amodda vang'ono nave khavaari erive enama opatula bulu oyo kamuwenlleemi.

Nehemiya 2:15

Sika mahiiyu vaavo oweella mu ntapo kaavirellella weetella mpandooyo nave kaarukunuwa kinahokollowa oweella va mullako wa Ntapo.

Nehemiya 2:17

Vano kahaalleella wi, “Munnoona ddookatamiha niriihuna, mmo Yerusalemu atthattuwalleeye matepe nave machiwi a millako ddaye yohoosiwa. Ngawani nimakettho mpanda wa Yerusalemu wi nihiwulliwekettho muru.”

Nehemiya 2:3

Kaallota wa mwene wi, “Amwene ekhalle ni okumi woorekama! Ekhovaaka enooneye moohikhumuwa mwawiidde mvo muzinda nko ori mahame a makhollwaaka wootthattusiwa ntepe nave machiwi a millako ddiwa ahoonongeya ni munllo?”

Yeremiya 5:10

Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.