Nehemiya 13:9 - Mawu a Mulluku

⁹ Vano kaalamula wi ezipinda ddeellihiwe. Nave kaahokollosella eziwiya dda enyumba ya Mulluku vamodda ni mikutho dda othu ni lubani.

Nehemiya 13:9 Iomraidhean Croise

2 Epilli 29:5

Sika ahaalleella wi, “Nyu Alevi, kaapelleni maaru. Muddeellihe, mweellihettho enyumba ya Apwiya Mulluku a makhollwaanyu ni ovenyihawo ddoonanara o nipuro naweella.

Nehemiya 10:37

Nave nineerowaana wa allupa mukutho, mu ezipinda ddoosungellamo ddeko mu enyumba ya Mullukwaahu, othu wawoottowa wawaamba navettho emphaso ddahu ddimodda monga ezipaso dda orive muteekho, vinyo ni makhura. Nineerovelleellattho wa Alevi, emodda yaneekhumi ya ddeko dda m'matani mwahu vawi Alevi sika enatthukumaniha ddeko ddittheddene ddaneekhumi mu ezigawo ddahu ddittheddene.

Nehemiya 12:45

Nave yaamurumeyella Mullukwiiwa navettho yaaphara mutteko waweelliha. Navettho awiipa machipo ni alonda a mu millako yaarumeyella phaama moollikana ni mmo alamulelle Davide ni mwanaye Solomoni.

Ezekiele 40:38

Vaakhalla echipinda ni nikhote niwa vakhuviru ni nikhote namuwari na mullako wa ompoto nko yahuwelliiwawo enama ya mukutho wooshellelliha.