Nehemiya 13:2 - Mawu a Mulluku

² Vallethi yaalla kheyaavahille Aisraele buledi ni maaddi. Munipuroni mwiwa, yamurumalle Balamu wi aatembelele komave Mullukwaahu aarukunusa matembelelo okhalla madaliso.”

Nehemiya 13:2 Iomraidhean Croise

Masalimo 109:28

Alliwa etembelele koma nyuwaano mukidalise, ookillika mwaawullihe muru koma mi oorumeyellaanyu kihakallalle.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Numeri 23:18

Vano Balamu ahaamba ollotella wi, “Venyani Balaki nave mwiiwe, mukiiwellelle nyu mwaana a Zipora.

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Deuteronomo 23:3

“Mwaamoni apaalle Mmowabu naari edduullu ddaye ophiyera mbado waneekhumi ahivollowe mu mutthukumano wa Apwiya.

Deuteronomo 23:4

Alliwaalla kheyuuvahilleni yoocha apaalle maaddi va olendwaanyu woovenyera o Iguputo. Nave yaamwiithaniha Balamu, mwaana a Beori, a o Petori o Mesopotamiya wi uutembeleleni.

Deuteronomo 23:5

Koma Apwiya Mullukwaanyu kheyaamwiiwellelle Balamu nave matembelelwaayo yahaatthattusa madaliso ekaamba ya wuukondani.

2 Petro 2:15

Aahiya ettilla yawookowa nave aahollowa. Ekusalle ettilla eyo akusalle Balamu mwaana aamullopwana a Beori. Balamu aakonda opata makobiri vaweerani ddoonanara