Nehemiya 1:9 - Mawu a Mulluku

⁹ koma Mwahokollowella wa miyaano ni wiiwellella malamulwaaka ni oweera, kineerewuutthukumanihani ni wuuphiyihani o nipuro katthoonlleemi wi athu ellapellekewo nnddina naka naari mupallalleyelle o mamallihello wa ellapo yavatthi.’ ”

Nehemiya 1:9 Iomraidhean Croise

1 Mamwene 8:48

Athwaayo yaahokollweella wa nyuwaano ni murimiiwa muttheene ni okumiiwa muttheene mu ellapo ya adaniiwa nko yapharelliwiiwawo okaporo, yavekella wa nyuwaano moowehani o ellapwiiwa eyo mwaavahilleenyu makhollwiiwa, o muzinda oyo mwawutthoollilleenyu navettho o enyumba eyo kimakenlleemi nnddina nanyu

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

1 Epilli 16:35

“Nyu Mulluku oovullusaahu, nivulluseni, nitthukumaniheni ovenyera variyari va athu a mitundu ddimodda wi nithokoze nnddina nanyu naweella, wi nikotelleke otitimiheya wanyu.

Ezara 6:12

Mulluku oyo atthoollille Yerusalemu wi akhalle nipuro noomullapellawo amugonjihe arive mwene apaalle orive mutundu oyo onaasinthe ddenndda apaalle woononga enyumba ya Mulluku mu Yerusalemu. Miyaano Dariusi kookeraatthiha lamulonna nave arive muthu iiwellelle ni murima muttheene.”

Masalimo 106:47

Nyu Apwiya Mullukwaahu, nivulluseni, nitthukumaniheni ovenyera variyari va athu a mitundu ddimodda wi nithokoze nnddina nanyu naweella, wi nikotelleke otitimiheya wanyu.

Masalimo 107:3

Yahaatthukumaniha ovenyera o ellapo ddittheddene, ovenyera wookhuma nndduwa ni woovollowa nndduwa ovenyera ompoto ni omwera.

Masalimo 147:2

Apwiya ennamumakattho Yerusalemu, ennaatthukumaniha Aisraele oopallalleya.

Yesaya 11:12

Eneerewiimesella embendela mitundu ddittheddene dda athu nave eneerewaatthukumaniha oorimeella a o Israele ni oopallalleya a o Yuda ovenyera o makona matthanu mattheene a ellapo yavatthi.

Yesaya 27:12

Nyu athu a o Israele, Apwiya eneerewaatthukumaniha athwiiwa mmoddammodda ovenyera o Yufurate ophiya o muhinje wa o Iguputo.

Yesaya 56:8

Apwiya Mulluku ayo enaatthukumaniha Aisraele oopallalleya enallota wi, “Kineerewaatthukumaniha athu amodda woonjerera va ayo yatthukumanille khalle.”

Yeremiya 12:15

Komave kaavenyihallevo kineeroweerellattho echifundo nave kineerohokollosella orive mutundu o yoohallaniiwa ni o ellapwiiwa.

Yeremiya 3:14

“Nyu athu oohiroromelleya, hokollowani nyu athu oohiroromelleya vawi apwiinyu tti miyaano. Kineerewuuhokollosellani o Ziyoni, mmodda ovenyera o orive muzinda nave eelli ovenyera o orive nibanja.

Yeremiya 31:10

Apwiya enallota wi, “Nyu mitundu dda athu ddittheddene, iwani mawu a Apwiya. Llalleyani mawu o ellapo ddawoorekama, dda mukhwipi mwa enyanja. Apwiya ayo yaapallallesille Aisraele eneerewaatthukumanihattho, eneerewaapwatha wonanko mbusa ni enkhosa ddaye.

Yeremiya 32:37

“Mi kineerewaatthukumaniha athwaalla ovenyera o ellapo ddittheddene kawiikarelleemiwo kishille murima navettho kinanariwalle wunchichi. Kineerewaahokollosellattho o nipuro nenna nave eneerokhalla wuno ni murendelle muttheene.

Yeremiya 6:22

Apwiya enallota wi, “Ngoonani, athu ovenyera o ellapo ya ompoto enimawa. Mutundu wa athu amasiva wootimulla ovenyera woorekama.

Ezekiele 14:6

“Sika alleelle Aisraele wi mi Apwiya Mulluku kinallota wi, ‘Rukunuwani murima wi muhiye mafanwaanyu. Mutathille ddoonanara ddanyu ddittheddene.’

Ezekiele 36:24

Kineerewuukhumihani variyari va mitundu ddimodda, kineerewuutthukumanihani ovenyera o erive ellapo nave kineerewuuhokollosellani mu ellapwaanyu.

Levitiko 26:3

“Mwaathwareke malamulwaaka mattheene nave mwiiwellelleke moollikana ni mmo kuulamulelleemini,

Zekariya 8:7

Mi Apwiya Amasiva Mattheene kineerewaavullusa athwaaka ayo eri wookhuma nndduwa ni woovollowa nndduwa.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Deuteronomo 12:21

Nipuro nno Apwiya Mullukwaanyu enaatthoolliiwa narekamella, ttuuwiipha erive echiwetwaanyu eyo Apwiya yuuvahilliiwani nave ttuuyicha m'muzi mwanyu mmo munapaallelleenyu moollikana ni mmo kuulleelleemini.

Deuteronomo 12:5

Apwiya eneerotthoolla nipuro nimodda mwiillaponi mwanyu wi ekeraatthihemo nnddina niwa nave athu attheene eneerekollapella va nipuro nenno. Wenko muneeroyaawo

Deuteronomo 30:1

“Yuuphiyerani madaliso ni matembelelo kaaromollilleemaalla, muneerewuupuwella muri variyari va mitundu ddimodda nko Apwiya Mullukwaanyu yuupallalleselleewani.