Nehemiya 1:3 - Mawu a Mulluku

³ Nave yaakaakhulla wi, “Athu yahokollowille wuukaporoni ayo enakhalla mu echigawo eri mu ddoohoosa dduullupalli nave ennavevulliwa. Mpanda wa Yerusalemu wookumuwa nave machiwi a millako ddiwa ahoonongeya ni munllo.”

Nehemiya 1:3 Iomraidhean Croise

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

2 Mamwene 25:10

Olliye ni akhotwaaye attheene a o Babiloni yaakumulla esiri ddittheddene dda Yerusalemu.

2 Epilli 36:19

Nave yaahella munllo enyumba ya Mulluku ni yoomwene, ekumulla mpanda wa Yerusalemu nave yoononga eziwiya ddittheddene ddoowallamella mutengo.

Ezara 2:1

Nna tti ntthopoollo na manddina a athu a mu echigawo ya Yuda ayo yahokollowille wuukaporoni ayo Nebukadinezara, mwene a o Babiloni aapharilleeye ayaana o Babiloni. (Athwaayo yaahokollweella o Yerusalemu ni o Yuda, arive muthu o ntepe naye.

Ezara 5:8

“Nyu amwene, dduwellani wi naaya o echigawo ya Yuda, o enyumba ya Mulluku muullupalli. Enimamakiwattho ni malluku muullupalli nave matabwa enimatthattiwa musirini mwiwa. Muttekoolla ennawuphara mwawaakuva nave onnaweetella phaama.”

Nehemiya 11:3

Aisraele amodda, allupa mukutho, Alevi, allupa mutteko a o enyumba ya Mulluku ni edduullu dda allupa mutteko a Solomoni yakhalla mu ezigawo dda Yuda, arive muthu va nipuro naye. Oohoollella ayo yakhalla mu Yerusalemu

Nehemiya 2:13

Mahiiyu kaakhuma kiweella va mullako wa Ntapo kaphiya o ehime ya Enama Yam'maaddini ni va mullako wa Mashi nave kaheetella mpanda wa muzinda ni machiwi yoonongiwe ni munllo.

Nehemiya 2:17

Vano kahaalleella wi, “Munnoona ddookatamiha niriihuna, mmo Yerusalemu atthattuwalleeye matepe nave machiwi a millako ddaye yohoosiwa. Ngawani nimakettho mpanda wa Yerusalemu wi nihiwulliwekettho muru.”

Nehemiya 2:3

Kaallota wa mwene wi, “Amwene ekhalle ni okumi woorekama! Ekhovaaka enooneye moohikhumuwa mwawiidde mvo muzinda nko ori mahame a makhollwaaka wootthattusiwa ntepe nave machiwi a millako ddiwa ahoonongeya ni munllo?”

Nehemiya 7:6

Nna tti ntthopoollo na manddina a athu a mu echigawo ya Yuda ayo yahokollowille wuukaporoni ayo Nebukadinezara, mwene a o Babiloni, aapharilleeye ayaana o Babiloni. (Athwaayo yaahokollweella o Yerusalemu ni o Yuda, arive muthu o ntepe naye.)

Estere 1:1

Nndda sika ddeereyille enthawi ya mwene Ahasuwero. Ahasuwero aanalamulella ezigawo 127 ovenyera o Indiya ophiya o Kushi.

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Miyambo 25:28

Muthu oohiihiiha tti wonanko muzinda wookumulliwa, woohikhalla ni mpanda.

Yesaya 43:28

mamwenaanyu yaaripiha nipuro naka naweella. Ekaamba ya yeella kahaakhullella wi Yakobo oonongiwe, Israele avevulliwe.”

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Yeremiya 39:8

Ababiloni yaahella munllo enyumba yoomwene, enyumba ya Apwiya ni enyumba ddimodda ddittheddene nave yaakumulla mpanda muttheene wa Yerusalemu.

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Yeremiya 5:10

Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.

Yeremiya 52:14

Olliye ni akhotwaaye attheene a o Babiloni yaakumulla esiri ddittheddene dda Yerusalemu.

Maliro 1:7

Va mallapo a ddookatamiha ddaye ni ohollowa waye, Yerusalemu annuupuwella ddaphaama ddittheddene nnddo aariiyena mallapo akhalle. Athwaaye yavelleelliwiiwa m'mattani mwa adani, khaarivo oomukavihera. Adanaaye yaanamuwehesesa moomunyindulla, ettheyaka omora waye.

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

Maliro 3:61

Nyu Apwiya, mwahiiwa okinyaambusa wiwa, navettho yakhozekelliiwa wi ekeerelle.

Maliro 5:1

Nyu Apwiya, upuwellani ddinimorenllenndda, ngoonani nave wehani owullihiwa muru wahu.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.