Mitteko 9:2 - Mawu a Mulluku

² amuveka makalata awi adduwelliwe mu enyumba ddamavekello* o Damasiko. Vawi apaalla aaphwanyawo yakhalla moollikana ni ettilla ya Apwiya, allopwana naari atthiyana aamake aweena o Yerusalemu.

Mitteko 9:2 Iomraidhean Croise

Genesis 14:15

Ephiyalle wenko, ahaakawa athwaaye millokomilloko nave olliye ni athwaaye yaawanana ni mahiiyu ophiyera yahaagonjiha attheene. Yaamwiikariha ophiyera o Hoba, ompoto wa Damasiko,

Yesaya 17:1

Nngu sika ollotella wa dda Damasiko. “Ngoonani, Damasiko khakhallattho muzinda koma anaatthattuwe ntepe.

Yeremiya 49:23

Apwiya Amasiva Mattheene enallota dda Damasiko wi, “Athu a o Hamati ni a o Aripadi yoopallallesiwa miru ekaamba yahiiwa othenga woonanara. Murimiiwa wooddalla ni woova, khenakeraattheya wonanko enyanja yoohikhurumuwa.

Mateyu 10:17

Chenjerani vawi vineerokhalla ayo enuumakeni nyuwaano ni wuukusellani vanthatoni namillatu nave eneerewuuwashullani mu enyumba ddamavekello.*

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Mitteko 18:25

Aahuddihiwa dda ettilla ya Apwiya nave moollipa murima aanallalleya ni ohuddiha dda Yesu phaama ddene naari adduwenlle dda obatizo wa Yohaneve.

Mitteko 19:23

Enthawi yeeyo wahaambeya mapokoso muullupalli o Efeso ekaamba ya ettilla ya Apwiya.

Mitteko 19:9

Koma amoddaayo yaari awumma murima nave kheyaakhulupililalle. Vamiitthoni va athu attheene yaallota epewe dda ettilla ya Apwiya. Sika Paulo ahaahiya nave aakusavo ookhulupilila nave nllapo ni nllapo aanakambiranana mu esukulu ya Tirano.

Mitteko 24:14

Kinaakhullellaami vamiitthoni vanyu tti ella yawi, kinamullapella Mulluku a makhollwaahu moollikana ni ettilla eyo enaromolliiwa wi tti mulloko wawoottha. Kinnakhulupililattho erive ello yalembiwe mu malamulo a Mose ni ehuddiho ya anamallotella.

Mitteko 24:22

Vano Felike, oyo adduwella phaama dda Ettilla, aamalliha mullatooyo ni waalleella wi, “Lusiya oolamulella aphiya kineerokamulla mullatwaanyoolla.”

Mitteko 26:10

Kaheera ddennddo o Yerusalemu allupa mukutho uullupalli ekivahille olamulello wowaahiya athu a Mulluku anchichi mundende. Nave millatu ddiwa ddakamulliwiiwa wi yiiphiwe, miyaanottho kaari mmodda owiiwanana.

Mitteko 26:12

“Ella sika ekaambiiwa kayiilleemi o Damasiko allupa mukutho uullupalli ekaakhullenlle wi kiyeewo nave ekivahille olamulello.

Mitteko 6:9

Nave aavaanyihiwa ni Ayuda amodda oovenyera o Kurene ni Alekizandriya ayo yavenyera o enyumba yamavekello yooromolliwa wi enyumba yamavekello ya athu oottaphulliwa okaporo. Aanavaanyihiwattho ni Ayuda oovenyera o ezigawo dda Silisiya ni Asiya.* Attheenaalla yahaamba ovaanyihana ni Sitefano.

Mitteko 7:19

Mwenooyo ahaalleka nave ahaahoosa makhollwaahu vawaawatiherani wi yaahiyeke aniiwa ang'onong'ono vaatte wi ekhweke.

Mitteko 9:14

Vano oowa wuno o Damasiko ni olamulello wa allupa mukutho uullupalli wi aamake athu attheene enuullapellani nyuwaano.”

Mitteko 9:21

Athu attheene yamwiiwalle yaanattikhina nave enakoha wi, “Muthu yoolla khe olle awiiphalle athu yamullapella Yesu o Yerusalemu? Ethiyo awiille wuno wi aaphareke athu ayeena wa allupa mukutho uullupalli?”

2 Akorinto 11:32

Kaariimi o Damasiko, enduna yuullupalli ya mwene Areta yahaahiya oowehera va millako dda muzinda wi ekimake miyaano.

Agalatiya 1:17

Naarittho ngaayiille o Yerusalemu wi kawoone ayo yaari amurummwa miyaano kihinakhalle. Koma enthawi yeeyo kaaya o Arabiya nave ovenyera wenko kaahokollweella o Damasiko.