Mitteko 9:15 - Mawu a Mulluku

¹⁵ Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

Mitteko 9:15 Iomraidhean Croise

Yeremiya 1:5

“Kihinuuphatuse m'mirimani mwa amaayo kahuudduwella khalleve. Nave ohinayariwe, kahuupatula khalleve, kahuutthoolla wi okhalle namallotella wa athu a mitundu ddittheddene.”

Yeremiya 1:7

Koma Apwiya yaakaakhulla wi, “Ohillote wi, ‘Mi kiri mwaana.’ Vawi ddawoona, oneeroya wa athu attheene nko kinuurumeemiwo nave oneerollota erive ello kinuulamuleemi.

Mateyu 10:18

Nave muneerovelleelliwa wa oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo ni athu ayo ehiri Ayuda.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 21:19

Paulo ahaavaha mooni nave aatthopoollella phaama ddittheddene nnddo Mulluku eerilleeye variyari va athu ayo ehiri Ayuda oweella mwa mitteko ddaye.

Mitteko 22:14

Aallota wi, ‘Mulluku a makhollwaahu ohuutthoolla weyaano wi odduwelle opaalla waye ni wi omoone a echilungamoolle ni wi wiiwe mawaaye.

Mitteko 22:21

Apwiya yaallota wa miyaano wi, ‘Venya vawi kineerewuurumiha woorekama wa athu ayo ehiri Ayuda.’ ”

Mitteko 25:22

Agripa aallota wa Fesito wi, “Kinapaalla kimwiiwe meekhaaka muthu yoolla.” Fesito ahaakhulla wi, “Muneeromwiiwa osiisello.”

Mitteko 26:1

Vano Agripa aallota wa Paulo wi, “Noowaakhullella wi ollote mwawiiteteza weekha.” Paulo ahookolla nnatta naye aamba ollota wi,

Mitteko 26:32

Nave Agripa aamulleella Fesito wi, “Muthoolla ahivekilleke wi eeruziwe ni Kaisara* naaweeromuttaphulla.”

Mitteko 27:24

allota wi, ‘Ohoove, Paulo! Onaphwanella wi wiimelle vamiitthoni va Kaisara. Mulluku voowoonihellani oreera murima waye wa weyaano oopaalla wi ohikhwe vamodda ni ayo oriiwena.’

Mitteko 28:17

Viviralle mallapo mararu Paulo aawiithana attekweene a Ayuda* a wenko, yatthukumanniiwa aallota wi, “Ayuda akhwaakanyu naari ngeenre ello yowaavaanyiha athwaahu apaalle makhallello a makhollwaahu, kaahiyiwa mundende o Yerusalemu kivelleelliwattho wa Aroma.*

Mitteko 28:28

Nave Paulo aamalliha ni wi, “Vano mudduwelle wi Mulluku oorumiha mawaaye oovullusa wa athu ayo ehiri Ayuda. Alliwaayo eneerowiiwella!”

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

Aroma 11:13

Vano kinallota wa nyuwaano athu ayo muhiri Aisraele. Kiriimi murummwa wa nyuwaano kinnakotella muttekwaaka.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

1 Akorinto 9:16

Koma kaallalleyaka khe ello yookiphwanelliha okota. Vawi miyaano koolamuliwa weera ddenndda. Otulli onaakhalle wa miyaano kaahillalleya othenga waphaama yoolla!

Agalatiya 1:1

Ovenyera wa miyaano Paulo, murummwa oyo wiithaniwa waye wahivenyenre wa athu apaalle oweella wa athu koma wa Yesu Khrisitu ni Mulluku Attiitthiihu ayo yaamuvenyihalle Yesu wa ookhwa.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

1 Timoteo 2:7

Ella sika ekaambiiwa katthoollelliweemi okhalla oollalleyaaye ni murummwa oowahuddiha athu ayo ehiri Ayuda mawu a echikhulupililo yawoona. Nginoottha, kinallota ddawoona.

2 Timoteo 1:11

Mulluku ookitthoolla miyaano okhalla murummwa, muhuddihi ni oollalleya othenga waphaama.

2 Timoteo 2:4

Akhoto oyo ari va muttekoni anapaalla omuhakallalliha akhoto muullupalli, sika khanapwatha mitteko ddoowaani.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”