Mitteko 8:23 - Mawu a Mulluku

²³ Vawi kohoona wi wookhalla ni ehache yuullupalli ni wi woomakiwa ni meerellwaawo oonanara.”

Mitteko 8:23 Iomraidhean Croise

Yobu 20:14

Koma ayimirya ennavollowa m'mirimani mwaye, ennatthattuwa nttipwi na evilli muwari mwaye.

Masalimo 116:16

Nyu Apwiya, miyaano tti oorumeyellaanyu, oorumeyella, mwaana a mullupa muttekwaanyu aamutthiyana. Nyuwaano mookittaphulla onyolwaaka,

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Yesaya 28:22

“Vano muhivevulle mawu yaalla vawi mweera ddiiddo, onyolwaanyu oneerewuttiinani mwawoopiha. Apwiya Mulluku Amasiva Mattheene, yaakilleella wi yoosimikiza woononga ellapo yavatthi ettheene.”

Yesaya 58:6

“Ohalla ocha nko kinapaalleemi tti wawi muttaphulle onyolo woohoosella, muttaphullettho mikwe dda nigoli,* mwaattaphulle oopaneya nave mwinttake nirive nigoli.

Yeremiya 4:18

Nyu Ayuda, nndda dduumorenlleni ekaamba ya makhallellwaanyu ni mitteko ddanyu. Nngu sika ollakiwa wanyu nave tti woovoreya mookusa murima.

Yeremiya 9:15

Ngiiwani vano nnddo mi Apwiya Amasiva Mattheene, Mulluku a Israele, kineereemi. Athu yaalla kineerewaachiha ddoomella ddoowaawa ni waawiryiha maaddi anttipwi.

Maliro 3:19

Kinnuupuwella ddoohoosa ddaka ni ddookatamiha ddaka, ddiri wonanko yoowaawa nave nttipwi.

Maliro 3:5

Aakaapheelliha virive veko ni ddoovoreya owaaka ddoohoosa.

Yohane 8:34

Yesu ahaakhulla wi, “Ddawoona, kinimuulleellani wi, oyo anachimwa tti kaporo a machimwaayo

Aefeso 4:31

Hiyani ollutuwa, osimwa, osha murima, ohumullullana, ollotellana epewe apaalle wiitana orive ottheene.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.

2 Petro 2:19

Ennaalonjeza ottaphuwa koma alliwaayo tti akaporo a makhallello a woononga. Vawi muthu anakhalla kaporo a erive ello enamulamulella.

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.