Mitteko 8:21 - Mawu a Mulluku

²¹ Kheyiivo yawaakhella apaalle yawuukawella ya muttekwaahoolla kaambiiwa murimaawo khori phaama vamiitthoni va Mulluku.

Mitteko 8:21 Iomraidhean Croise

2 Epilli 25:2

Vano aheera ddoolungama vamiitthoni va Apwiya koma ohiri ni murima woororomelleya.

Nehemiya 2:20

Vano kaawaakhulla wi, “Mulluku ooddullu aneeronikavihera wi ddeko ddineetelleke phaama nave hiyaano allupa muttekwaaye nineeromakattho koma nyuwaano khamunna embali apaalle odindo naarittho erive ello yawi ttuuwuupuwellanani mu Yerusalemu.”

Masalimo 36:1

Machimo ennallota m'murimani mwa muthu oonanara, khanamoova Mulluku m'maganizoni mwaye.

Ezekiele 14:3

We mwaana a muthu, athu yaalla aahiya murimiiwa va mafano nave miitthwiiwa va ddookwakwatulliha ni waachimwiha. Ethiyo alliwa enaganiza wi kineerowaakhulla yaveka ezeru wa weyaano?

Levitiko 13:8

Mullupa mukutho amuwehesesettho muthooyo. Oona wi ereteeyo yoomwareyella vamwiillinimvo, amweere oovoriiwooyo wi tti ooripihiwa vawi yaayo tti makate.

Habakuku 2:4

Ngoonani, oyo ahinna murima woolungama khavulluwa koma oolungama eneerokhalla ni okumi ekaamba ya echikhulupililwiiwa.”

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Aefeso 5:5

Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

Deuteronomo 10:9

Ella sika ekaambiiwa nlloko na Levi khenaakhellille yoohallana wonanko yeerelle malloko mamoddaalle. Apwiya sika yoohallaniiwa moollikana ni mmo Apwiya Mullukwaanyu yaalonjezelliiwa.)

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yoswa 22:25

Apwiya yahiikaatthi muhinje wa Yordani wi ekhalle malire variyari va hiyaano ni nyuwaano, athu a nlloko na Rubeni ni Gadi khamunna echigawo ni Apwiya.’ Sika edduullu ddanyu ttuuhiiha edduullu ddahu waallapella Apwiya.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yawuupullulla 20:6

Oodalisiwa ni aweella tti athu ayo enaavenyihiwena va ovenya wawaambanko wa ookhwa. Okhwa waneepiilli khowinnattho masiva va alliwaalla vawi enaakhalle allupa mukutho a Mulluku ni a Khrisitu nave eneerolamulella vamodda ni olliye wa miyakha 1,000.

Yawuupullulla 22:19

Muthu avenyihavo ello va mawu oollotelliwa mu nibukhunna, Mulluku aneeromuvenyiherawo embali emodda ya ezipaso ddaye dda muteekho wa okumi ni nipuro naye mu Muzinda Waweella, nnddo ddilembiwe mu nibukhunna.