Mitteko 8:2 - Mawu a Mulluku

² Athu amodda oomullapella Mulluku yaavittha mutembo wa Sitefano emwinllellattho wunchichi.

Mitteko 8:2 Iomraidhean Croise

Genesis 23:2

nave akhwenlle o Kiriyati Ariba (sika wi Hebroni) mu ellapo ya Kanani. Abrahamu aaya wenko iinlla maliro a Sarooyo.

Genesis 50:9

Akhoto oowella va magareta ni va akavalo alliwattho yaamuvelleella, sika waari mulloko munchichi wa athu.

2 Samuele 3:31

Vano Davide aamulleella Yowabu ni athu attheene aariiyena wi, “Ahullani ddoowara ddanyu nave muware eziguduli wi mumwinllelleke Abinere.” Nave Davide aanaathwara vatulli ootukhulla mutembwaayo.

2 Epilli 32:33

Vano Hezekiya aakhwa nave yaamuvittha omwaako wa mahameni a edduullu dda Davide. Nave athu attheene a o Yuda ni Yerusalemu yaamuvaha olemu va malirwaaye. Vano Manase mwanaye aavollowa omwene munipuroni mwaye.

2 Epilli 35:25

Yeremiyattho aamwinllella Yosiya nave athu awiipa machipo allopwana ni atthiyaneene yoollota dda Yosiya mu winlla wiwa ophiyera ollello. Ddenndda yaaddikeraatthiha wonanko mutetho mu Israele nave ddoolembiwa mu nibukhu na Maliro.

Yeremiya 22:10

Muhimwinllelle mwene oyo iiphiwe, muhimwiipelle nchipo namaliro. Koma mumwinllelle oyo opharelliwe wuukaporoni kaambiiwa khawa ahokollowattho, khawa ayoonattho ellapwaaye.

Yeremiya 22:18

Sika kaambiiwa Apwiya enallotiiwa dda Yehoyakimu mwaana a Yosiya mwene a o Yuda wi, “Khavikhalla oomwinllella muthooyo wi, ‘Otulli, mwanamunnaka!’ Apaalle wi, ‘Otulli, murokoraka!’ Khavikhalla oomwinllella wi, ‘Otulli, apwiyaaka!’ Apaalle wi, ‘Otulli, mwenaaka!’

Numeri 20:29

Vano mullokoolle wiiwalle wi Aroni ookhwa wahinlla maliro a Aroni mallapo 30.

Mariko 6:29

Oohuddera a Yohane yiiwalliiwa ddenndda, yaawa ekusa mutembwaaye nave yaawuvittha.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Mitteko 10:2

Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

Mitteko 2:5

Vano waakhallattho Ayuda ookhalla o Yerusalemu, ayo yamullapella Mulluku nave oovenyera o ellapo ddittheddene dda vatthimva.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Mitteko 8:3

Koma Saulo aheeseesa woononga mpingo. Aavollowa mu enyumba ddittheddene aapurullamo ookhulupilila attheene, allopwana ni atthiyaneene nave aahiya mundende.

Deuteronomo 34:8

Aisraele yahinlla okhwa waye mallapo 30 mu ntapo na Mowabu moollikana ni mutethwiiwa.

1 Samuele 28:3

Enthawi yeella Samuele aari akhwille khalle nave Aisraele attheene emwinllelle nave emuvitthalle owaniwa o Rama. Vano Saulo aari aavenyihallewo athu oollota ni minepa owaakattho athu attheene awoombesa makhanga a mwiillaponimmo.