Mitteko 8:14 - Mawu a Mulluku

¹⁴ Amurummwa ayo yaari o Yerusalemu yahiiwa wi athu a o Samariya ahaakhullella mawu a Mulluku, yahaarumawo Petro ni Yohane.

Mitteko 8:14 Iomraidhean Croise

1 Mamwene 13:32

Ddawoona, mawu ayo Apwiya yamullotihalliiwa ddootembelela nikuwa na o Betele ni enyumba dda va mapuro a mallapello a mu mizinda dda o Samariya, ddaakwakhwanihelliwa.

Mateyu 13:23

Koma mmiddo wamiddiwe va ethaya yaphaama onaphwanaphwana ni athu ayo eniiwa othenga ni owiiwesesa. Eniimma ezipaso, amodda ezipaso 100, amodda ezipaso 60 ni amodda ezipaso 30.”

Luka 22:8

Yesu ahaaruma Petro ni Yohane aalleella wi, “Khaweni mwanikhozere yoocha ya Paska wi niche.”

Yohane 12:48

Oyo anakikhoota miyaano ahinaakhella mawaaka ookhalla ni oomweeruza. Mawu killonteemaalla eneerokhalla aweeruzaaye va nllapo noomallihella!

Mitteko 11:1

Amurummwa ni ookhulupilila a mu Yudeya mutthemwene yahiiwa wi naarittho athu ayo ehiri Ayuda ahaakhullella mawu a Mulluku.

Mitteko 15:4

Yaphiyalliiwa o Yerusalemu, yahaakhelliwa ni mpingo, amurummwa ni attekweene nave yaatthopoolla erive ello Mulluku eerilleeye oweella mwa alliwaayo.

Mitteko 17:11

Athu a o Bereya yaari owiiwesesa ddeko ohiyana ni alle a o Tesalonika. Yaanaakhella othenga wa Paulo ni murima woottaphuwa nave nllapo ni nllapo yaanaashaasha mu mawu a Mulluku wi yoone nnddo allota Paulooyo ddaari ddiri ddawoona.

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

2 Atesalonika 2:10

nave aneerophariha erive ettilla yoonanara waalleka ayo enaawoonongeye. Eneerewoonongeya kaambiiwa yaakhoota okonda yawoona eyo yaawaavulluse.