Mitteko 8:1 - Mawu a Mulluku

¹ Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Mitteko 8:1 Iomraidhean Croise

Nehemiya 6:3

Nave kahaarumihawo amithengaaka yaalleella wi, “Mi kookhalla ni mutteko muullupalli nave ngiwora okitthella wenko. Ethiyo mutteko wiimelle ekaamba yawi koowuhiya kiwa wa nyuwaano?”

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Daniele 6:23

Mwene aahakallalla wunchichi nave aalamula wi Daniele akhumihiwe munllitini. Sika Daniele aakhumihiwa ahivoreyeye naari vang'ono kaambiiwa aamuroromella Mullukwaaye.

Mateyu 22:6

Amoddaalle yahaaphara allupa muttekwaalle ewuukutha nave ewiipha.

Mateyu 23:34

Ekaamba ya yeella kineerewuurumihellani anamallotella ni athu eezeru ni ahuddihi. Amodda a yaayo muneerowiipha, amodda muneerewaatthomeya vamutandani nave amodda muneerewaawashulla mu enyumba ddanyu ddamavekello ni waathamakiha ovenyera o etawoni emodda ophiya o etawoni emoddeeyo.

Mateyu 5:13

“Nyu muri wonanko mwiinyu wa athu attheene a va ellapo yavatthi. Koma mwiinyu watthulluwa khoweerihiwattho wi oddiveke. Khonnattho mutteko, sika onnatathilliwa nave athu ennawuunyingalla.

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Yohane 16:2

Khamwaakhullelliwa ovollowa mu enyumba ddamavekello* nave enthawi eneerophiya yawi arive muthu oyo anaawiipheni nyuwaano anaaganizekeeye wi anamurumeyella Mulluku.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

Mitteko 13:36

Vawi Davide amallihalle orumeyella ddoopaalla dda Mulluku mu mallapwaaye aakhwa. Nave aavitthiwa vamodda ni makhollwaaye nave mwiillaaye wahuntella mu mahame.

Mitteko 2:47

Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.

Mitteko 22:20

Nave mbonaanyu Sitefano iiphiweeye, miyaano meekha kaari vaavo, kaakhullellakana ni wiiphiwa waye nave owehera ddoowara dda ayo yamwiiphaayo.’

Mitteko 26:10

Kaheera ddennddo o Yerusalemu allupa mukutho uullupalli ekivahille olamulello wowaahiya athu a Mulluku anchichi mundende. Nave millatu ddiwa ddakamulliwiiwa wi yiiphiwe, miyaanottho kaari mmodda owiiwanana.

Mitteko 5:18

Yahaaphara amurummwaayo yaahiya mundende.

Mitteko 5:20

“Khaweni mu enyumba ya Mulluku nave mwaalleelle athu dda okumi wanaanweenoolla.”

Mitteko 5:33

Athu a va nthato namillatu yiiwalliiwa yeella, yaananariwa wunchichi wawi yaapaalla owiipha amurummwa.

Mitteko 5:40

Yaawiithana amurummwaayo wi evollowe, yahaawashulla, yaalamulella wi ehiromollettho nnddina na Yesu nave yahaattaphulla.

Mitteko 7:38

Tti oyo aari ni athu a o Israele yatthukumanniiwa muchipululuni mulle. Wenko aari namunkhoswe a makhollwaahu ni mungelo oyo allota wa olliyooyo m'mwaangoni wa Sinai nave ahaakhella mawu ookumi a Mulluku wi anivahe hiyaano.

Mitteko 7:54

Attekweene a va nthato na millatwaayo yiiwalliiwa mawu a Sitefanooyo, yaasha murima navettho yaananariwa.

Mitteko 7:58

Yaamukhumihella otte wa muzinda nave emuvokha malluku. Amboni ayo yamuvaanyiha Sitefano yaahiya ddoowara ddiwa m'mattani mwa musombwe mmodda ooromolliwa Saulo wi addiwehereke.

Mitteko 8:14

Amurummwa ayo yaari o Yerusalemu yahiiwa wi athu a o Samariya ahaakhullella mawu a Mulluku, yahaarumawo Petro ni Yohane.

Mitteko 8:2

Athu amodda oomullapella Mulluku yaavittha mutembo wa Sitefano emwinllellattho wunchichi.

Mitteko 8:4

Ookhulupilila yapallallesiwaayo yaaya mu echigawo ettheene, ellalleyaka othenga waphaama.

Mitteko 8:5

Nave Filipo* aaya o muzinda muullupalli wa Samariya aallalleyella athu dda Mesiya.*

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

Afilipi 1:12

Asinnaka ni arokoraka, kinapaalla mudduwelle wi ddeko ddeereye wa miyaano ddookavihera ovuwiha othenga waphaama.

Aheberi 11:27

Ekaamba ya echikhulupililo, Mose aakhumawo o Iguputo moohoova oowalli wa Farao vawi aanavillella wonanko muthu oomoona Mulluku oohooneyoolla.