Mitteko 7:8 - Mawu a Mulluku

⁸ Vano Mulluku aamulamulella Abrahamu dda ophaddiwa wi okhalle echizindikiro ya echipanganwiiwa. Vano Abrahamu aamuphadda mwanaye Isaki aariiye ni mallapo matthanu ni mararu. Isaki aamuphadda mwanaye aamullopwana Yakobo, nayeenettho Yakobo ahaaphadda anaaye aallopwana khumi ni eelli, ayottho eri makhollo a nlloko nahu.

Mitteko 7:8 Iomraidhean Croise

Genesis 29:31

Apwiya yoonille wi Yakobo khaamukonda wunchichi Leya, yahaakhullella wi Leyooyo aayare anamwani koma Rakele iyaayi.

Genesis 30:5

Biliha aakusa erukullu amuyarella Yakobo mwaana aamullopwana.

Genesis 35:16

Vano attheene yaavenyawo o Betele koma ehinaphiye o Efurata, enthawi yawi Rakele ayare yaamukwakhwanella nave oyara waye waamukatamiha wunchichi.

Genesis 35:18

Vano Rakele amalliheyeeye, nngu avumellaka muddullu, aamuvaha nnddina mwaanooyo nawi Benoni, koma attiitthinnya yaamuvaha nnddina nawi Benjamini.

1 Epilli 1:34

Abrahamu aamuyara Isaki. Isaki ahaayara anamwani eelli, Esau ni Yakobo.

Mateyu 1:2

Abrahamu aamuyara Isaki, Isaki aamuyara Yakobo, Yakobo aamuyara Yuda ni asinne

Yohane 7:22

Mose ahuulamulani wi mwaaphaddeke aniinyu aallopwana. Naari khe Mose koma makhollwaanyu sika yaambille. Vano munnaaphaddattho aniinyu aallopwana nllapo na Sabata.

Mitteko 2:29

“Aisraele akhwaaka, kinaphwanella wi kuulleelleni moosimikizella dda nikhollo nahu Davide. Aakhwa avitthiwa mu mahame nave mahamaaye aakhallavo ophiyera ollello.

Aroma 4:10

Ethiyo nndda ddeereyille enthawi tini? Ddeereyille Abrahamu aphaddiwe apaalle ahinaphaddiwe? Ddeereyille ahinaphaddiwe ohiri aphaddiwe.

Agalatiya 3:15

Asinnaka ni arokoraka, kinaaka kiphwanaphwanihe ni nnddo ddineereya nllapo ni nllapo. Athu eelli yapangana va ello emoddeene nave yasimikizellana voolembani echipanganweeyo, khaavo muthu anaatathille echipanganweeyo apaalle woonjereravo ello emoddeene.

Agalatiya 3:17

Eyo kinaakeemi tti yawi Mulluku aheera echipangano ni Abrahamu. Malamulo ayo yavahiwe ddiviralle miyakha 430, kheyeeriha wi echipanganweeyo etathille apaalle woononga lonjezo na Mulluku.

Aheberi 7:4

Vano mohoona wi aari muthu muullupalli. Abrahamu nikhollo nahu noodduwanyeyanne, aamuvaha yaneekhumi ya ddittheddene akusalleeye okhotoni.