Mitteko 7:51 - Mawu a Mulluku

⁵¹ Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Mitteko 7:51 Iomraidhean Croise

2 Mamwene 17:14

Koma kheyiiwellelle, yaari eetiyamaaru wonanko makhollwiiwa yakhallelliiwa ayo yahaaroromelle Apwiya Mullukwiiwa.

2 Epilli 30:8

Vano muhummihe makohaanyu wonanko makhollwaanyu koma mwiivelleelle wa Apwiya nave muweeke o enyumbiiwa eyo eyeellihalliiwa wa enthawi yoohimalla. Nave mwaarumeyelle Apwiya Mullukwaanyu wi osha murima waye wawoopiha ovenyihiwe va nyu.

Nehemiya 9:16

Koma alliwa ni makhollwaahu yahiitukhulla, yahummiha mirima ddiwa nave kheyaawiiwellelle malamulwaanyu.

Nehemiya 9:30

Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

Masalimo 75:5

Muhiinyarulleke ekaamba ya masivaanyu, voollotani epewe.’ ”

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.

Eksodo 32:9

Nave Apwiya yaavirellella ollota wi, “Athu yaalla kinnaadduwella wi tti awumma murima.

Eksodo 33:3

Khaweni o ellapo yooddalla mukaka ni enwi. Koma miyaano ngithaananana kaambiiwa nyuwaano tti athu awumma murima nave miyaano ttuuwoonongani m'musewuni.”

Eksodo 33:5

Sika Apwiya yaari emulleellille Mose wi, “Alleelle Aisraelaayo wi, ‘Nyu tti athu awumma murima. Kathaananilleke ni nyuwaano naari va enthawi yooyeva, ddaano kiwoonongilleni attheene. Vano rullani ddawiireerihana ddanyu nave kineerewoona yawi kiweereni.’ ”

Eksodo 34:9

Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”

Yesaya 48:4

Kaadduwella wi weyaano tti awumma murima, awummiha nikohi wonanko mukoko.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Yeremiya 17:23

Alliwa kheyiiwellelle apaalle opwathawo koma ni mirima ddawumma yaakhoota wiiwa ni waakhella malangizwaaka.”

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Ezekiele 2:4

Athu yaalla tti awuumiha murima ni oohiiwellella. Kinuuruma wi wallote nnddo mi Apwiya Mulluku kinuulleelleemi.

Ezekiele 44:7

Mwahaavollochiha mu nipuro naka naweella alleto oohiphaddiwa m'murimani ni m'mwiillini mwene. Athwaayo yaaripiha enyumbaaka nyuwaano mwakivaheenyu yoocha, makhura ni nikhame. Vaweerani ddoonanara ddenndda mwaatathilla.

Ezekiele 44:9

“Vano mi Apwiya Mulluku kinallota wi, ‘Mwa alleto ayo eri oohiphaddiwa m'murimani ni m'mwiillini ahikhallevo naari mmodda oovollowa mu nipuro naka naweella naari alleto ookhalla variyari va Aisraele.’ ”

Levitiko 26:41

Valle ekaamba ya ddenndda miyaano kaavaanyihana kiwiikarihella mu ellapo ya adaniiwa. Vano yiiyeviha weekhiiwa, athu awumma mirimaalla nave yaakhullella ollakiwa ekaamba ya machimwiiwa.

Numeri 27:14

Vawi khamwiiwellelle mawaaka mu echipululu ya Zini va enthawi eyo mulloko wuuwukilalleewani o maaddi a Meriba, mwahoonihalleenyu vamiitthoni viwa wi miyaano tti aweella.” Yaalla tti maaddi a neetuutu a Meriba o Kadeshi mu echipululu ya Zini.

Mitteko 6:10

Koma kheyaaworille ollipana ni ezeru nnddo Sitefano avahiweeye ni Munepa Waweella mu ddoollota ddaye.

Mitteko 7:27

Koma oyo aamullikalle mukhwaayooyo aamukakhella Mose okhwipi amukoha wi, ‘Ttaani aweerille wi okhalle muullupallaahu nave aweeruzaahu?

Mitteko 7:35

“Mose tti olle akhootiwe ni Israele emukohaka wi, ‘Ttaani aweerille wi okhalle muullupallaahu nave aweeruzaahu?’ Tti oyottho Mulluku amurumalleeye mungelo amoneyella vamakukhuni ookhara munllo wi akhalle muullupalliiwa nave wi awoopolle.

Mitteko 7:39

“Koma makhollwaahu yaakhoota omwiiwellella olliye nave kheyaarina mutteko nave m'murimani mwiwa yaapaallattho ohokollweella o Iguputo.

Mitteko 7:9

“Anaaye aallopwana yaamukhallella ehache mwanamunniwa Yosefe nave yaamukulliha wi akhalle kaporo o Iguputo. Koma Mulluku aari ni olliye.

Aroma 2:25

Mwiiwellellaka malamulwaayo, ophaddiwa wanyu tti woopinduliha koma mwaahiiwellellaka malamulwaayo muri wonanko oohiphaddiwa.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Deuteronomo 10:16

Sika vano muphadde m'murimani mwanyu nave muhiye wumma murima.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Deuteronomo 31:27

Vawi kinnadduwella phaama dda owukila ni wumma murima wanyu. Mwaambille khalle waawukila Apwiya, munaawukille okavi miyaano kakhwa!

Deuteronomo 9:13

“Apwiya yaavirellella ollota wi, athu yaalla kinnaadduwella wi tti awumma murima.

Deuteronomo 9:6

Vano dduwellani wi Apwiya khenuuvahani ellapo yaphaameella ekaamba yawi muri oolungama vawi nyuwaano muri athu awumma murima.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Akolose 2:11

Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.