Mitteko 7:44 - Mawu a Mulluku

⁴⁴ “Makhollwaahu yaakhalla ni musasa woomboni wawooniha wi Mulluku ookhallawo o echipululu wulle. Yapangiwe ollikana ni ddallotille Mulluku wa Mose nave moollikanattho ni mamakello oonihiweeye.

Mitteko 7:44 Iomraidhean Croise

1 Epilli 28:11

Sika Davide aamuvaha mwanaye Solomoni mapulani oomakella enyumba ya Apwiya, monga ezipinda ddoosungellamo, ddamuddullu, ddamuwari ni echipinda yaweellesesa yookhululukellamo machimo.

1 Epilli 28:19

Davide aallota wi nndda ddinniiwanana ni mawu yalembiwe moothwara malangizo a Apwiya. Nave ddittheddenenndda ddaatthopoolliwa phaama wi mitteko ddittheddene ddiphariwe moollikana ni mapulaniiwa.

2 Epilli 24:6

Vano mwene aamwiithana Yehoyada amukoha wi, “Ethiyo kaambiiwa tini wahaalleelleewe Alevi wi etotelle makobiri ovenyera o Yuda ni Yerusalemu ayo alamulalle Mose oorumeyella a Apwiya o mpingo wa Aisraele oopotokosella musasa wa mutthukumano?”

Eksodo 25:40

Achenjere wi epangiwe moollikana ni mmo kawoonihelleemi vamwaangoni valle.

Eksodo 26:30

Sika amake musasa moollikana ni mmo kawoonihelleemi vamwaangoni valle.

Eksodo 27:8

Nave nikuwanno onihiyere nikhungu muwari mwiwa. Onimake moollikana ni mmo kawoonihelleemi vamwaangoni valle.

Eksodo 38:21

Ella sika echiwerengero ya golide, siliva ni mukuwa nnddo yaddipharihiiwa mutteko voopangani musasa wamutthukumano moollikana ni mmo Mose alamulalleeye. Alevi sika yaari ni odindo wooddeerenga nave aahoollella tti Itamara, mwaana a Aroni mullupa mukutho.

Numeri 10:11

Va nllapo na 20 na mweeri waneepiilli muyakha waneepiilli, murapo waawella ovenyera vamusasani wamutthukumano.

Numeri 18:2

Oweenattho abalaawo a nlloko na Levi, nlloko na nikhollo nawo wi ephareke mutteko ni weyaano, yuukavihereke weyaano ni anaawo mwaarumeyellaka mu musasa wamutthukumano.

Numeri 9:15

Va nllapo nno natthipelliwe musasa wamutthukumano, murapo waakhuneella. Erive misikuwa ophiyera ohinase murapooyo waanakhuneella ori ni mooneyello amunllo.

Aheberi 8:2

Olliye anarumeyella wonanko mullupa mukutho muullupalli mu nipuro naweellesesa na muwari mwa musasamusasa oyo wamakiwe ni Apwiya, ohiri ni athu.

Aheberi 8:5

Mutteko onaphariwa ni allupa mukuthwaayo tti echisanzo ni echizindikiro ya ddeko ddineereya mu enyumba yooddullu. Nndda ddiri wonanko ddeereyille ni Mose aariiye vakhuviru otthipella musasa, Mulluku aamulleella wi, “Weerethi ddittheddene ollikana ni echisanzo woonihiweewe vamwaangoni valle.”

Yoswa 18:1

Aisraele attheene yaatthukumana o Shilo emakawo musasa wamutthukumano nave ellapo yahaagonjella.

Yoswa 3:14

Enthawi yeeyo yaari yoohata nave muhinje waari wooddalla wunchichi. Athu attheene yaavenya m'misasani wi yallapuwe muhinje wa Yordanoolle. Allupa mukutho sika yaari vahoollo etukhullalle nibokosi na echipangano na Apwiyanne. Allupa mukutho yaphiyiiwa mukhwipi mwa muhinje wa Yordani enakitthella m'maaddinimmo nave enaanyingalla,