Mitteko 7:2 - Mawu a Mulluku

² Sitefano ahaakhulla wi, “Asinnaka ni attiitthaaka, kiiwelleni miyaano! Nikhollo nahu Abrahamu aariiye o Mesopotamiya ahinaye wi akhalle o Harana, Mulluku antitimiho aamooneyella,

Mitteko 7:2 Iomraidhean Croise

Genesis 11:31

Vano Tera aamukusa mwanaye Abramu ni edduullwaaye Loti, mwaana a Harani, vamoddattho mvokohaaye Sarai, mwaara Abramu. Aatimulla olendo ovenyera o Uri, o Babiloni oya o ellapo ya Kanani. Koma aaphiya o Harani, nko yakeraattheyeewawo.

Genesis 12:1

Vano Apwiya yaamwiithana Abramu wi, “Hiya ellapwaawo ni abalaawo ni nibanja na attiittho nave oye o ellapo eyo kinuutthoonyihelleemi.

Genesis 12:5

Abramu aamukusa mwaariye Sarai, Loti mwaana a mung'onong'onwaaye ni eyuumaaye ettheene ni akaporo aariiyena o Harani. Sika ahaamba olendo wooya o Kanani. Ephiyalle o Kanani,

Genesis 15:7

Sika Apwiya yaamulleella Abramu wi, “Mi tti Apwiya oyo kuukhumihalle o Uri a o Babiloni wi kuuvahe ellapweella wi ekhalle yaawoyaawo.”

Genesis 29:4

Nave Yakobo ahaakoha abusaayo wi, “Ethiyo akhwaaka munavenyera wuuwi?” Alliwaayo yaamwaakhulla wi, “Ninavenyera o Harani.”

Nehemiya 9:7

Nyu Apwiya Mulluku, mwaamutthoolla Abramu, mwaamukhumiha o Uri a o Babiloni, mwaamusintha nnddina naye akhalla Abrahamu.

Masalimo 24:10

Ethiyo mwene ootitimiheyooyo ttaani? Tti Apwiya Amasiva Mattheene, alliwa tti mwene ootitimiheya!

Masalimo 24:7

Millako dda muzinda, hullani! Hullani machiwi akhallaayo wi mwene ootitimiheyooyo avollowe.

Masalimo 29:3

Mawu a Apwiya enniiweya vaddullu va enyanja, Mulluku ootitimiheya annagugudeya wonanko murimu, mawaaye enniiweya va enyanja yoowallamella.

Yesaya 37:12

Makhollwaaka yahoononga mizinda dda Gozani, Harani ni Rezefe. Nave yaawiipha athu a o Edeni ayo yakhalla o Telasara. Ethiyo milluku dda athu a mitundu ddimoddannddo ddahaavullusa?

Yesaya 51:2

Ngaganizani dda Abrahamu nikhollo nanyu attiitthaanyu ni Sara oyo uuyarilleni, kamwiithaneemi Abrahamu, khaarina mwaana koma kaamudalisa, kahoonjerera edduullu ddaye.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Mateyu 6:13

Muhinikuselle woweesiwa, koma munivulluse wa Oonanarooyo.

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 12:41

Yesaya aallotille ddenndda kaambiiwa ahoona ntitimiho na Yesu nave allotella dda olliyooyo.

Mitteko 22:1

Paulo aallota wi, “Ayuda akhwaakanyu ni attekweenaaka, mukiiwelle kinapaalleemi wi killote vawiitetezani meekhaaka!”

Mitteko 23:7

Allotilleeye ddenndda, Afarisi ni Asaduki yahaamba owana nave mullokooyo waakawaneyavo.

Mitteko 7:1

Mullupa mukutho muullupalli aamukoha Sitefano wi, “Ethiyo tti ddawoona ddenndda?”

1 Akorinto 2:8

Khaavo oolamulella a ellapo ella aadduwenlle ezeru yeella. Yadduwenlleke kheyaatthomeye vamutandani Apwiya antitimiho.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

Yakobo 2:1

Asinnaka ni arokoraka vawi munnaakhulupilila Apwiihu Yesu Khrisitu, Apwiya antitimiho, muhinakondellaka variyari va athu moollikana ni wooneya wiwa.

Yoswa 24:2

Ahaalleella athu attheenaayo wi, “Nnddo Apwiya Mulluku a Aisraele enallotiiwa tti ddawi, ‘Khalle makhollwaanyu yakhalla okhopella wa muhinje wa Yufurate enallapella milluku ddimodda. Mmodda mwa makhollo yaalla aari Tera, attiitthinnya a Abrahamu ni Nahori.

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”