Mitteko 6:7 - Mawu a Mulluku

⁷ Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.

Mitteko 6:7 Iomraidhean Croise

2 Epilli 29:34

Koma allupa mukutho yaarivo vang'ono mwawi kheyaawonre waatta enama ddittheddene dda mukutho wooshellelliha. Sika vootiyerellani wi allupa mukutho amodda eddeellihe, abale a Alevi yahaakavihera ophiyera mutteko muttheene waamalla vawi alliwa yaanathwara phaama mutetho wooddeelliha waakhwaranya allupa mukutho.

2 Epilli 30:24

Hezekiya mwene a o Yuda aavelleella anankhoro eeng'ombe 1,000 ni eenkhosa 7,000 nave enduna ddaye ddaavelleella anankhoro 1,000 eeng'ombe ni eenkhosa 10,000 o mutthukumanonko. Nave allupa mukutho anchichi yaaddeelliha.

Masalimo 132:16

Allupa mukuthwaaye kineerewaawariha ovullusa oororomelleyaaye eneerokhuwa moohakallalla.

Masalimo 132:9

Allupa mukuthwaanyu ekhalle eechilungamo, oororomelleyaanyu ekhuwe moohakallalla.

Mateyu 19:30

Nave anchichi ayo eri awaamba eneerokhalla ookomihera nave ayo eri ookomihera eneerokhalla awaamba.”

Luka 2:34

Vano Simiyoni ahaadalisa nave allota wa Mariya amennyaayo wi, “Mwaanoolla ootthoolliwa ni Mulluku wi akhalle ollakiwa ni ovullusiwa wa athu anchichi a o Israele. Aneerokhalla echizindikiro yoovenyera wa Mulluku, eyo athu anchichi eneeriiwa yiitanena.

Yohane 12:42

Vano attekweene a Ayuda* anchichi yaamukhulupilila Yesu. Koma ekaamba ya Afarisi khayooniha vaweella woova wi kheyaakhullelliwa ovollowa mu enyumba yamavekello.

Mitteko 12:24

Vano mawu a Mulluku yaavirellella ovuwa ni waakhullelliwa ni athu anchichi.

Mitteko 13:8

Koma musing'angoolle (oyo nnddina naye aari Elimasi mu ellotello ya Egriki), aanaavaanyiha Baranaba ni Saulo nave aaneeseesa omweeriha oolamulelloolle wi ahikhulupilile.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Mitteko 19:20

Mwamasiva ddiidda mawu a Apwiya yaavirellella ovuwa nave okhalla amasiva.

Mitteko 2:47

Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

Mitteko 6:1

Mallapo yaayo ookhulupilila yaatiiwa, Ayuda oollota Egriki yaanakangana ni Ayuda oollota Eheberi kaambiiwa anaamukhwelliiwa kheyaavahiwa ddookawiwa dda nllapo ni nllapo.

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

Aroma 16:26

Koma vano Mulluku a enthawi yoohimalla aalamula wi yawooneeyo yuupullulliwe mu ddoolemba dda anamallotella nave wi edduwelliwe ni athu attheene wi ekhulupilile ni wiiwellella.

Agalatiya 1:23

Yiiwalle yeeyove yallotiwa ni amodda wi, “Muthu anihoosoolle vano animallalleya echikhulupililo elle apaalleeye woononga!”

Agalatiya 6:10

Sika vano nakhalla ni enthawi ninaphwanella neereke ddaphaama wa arive muthu nave makamaka ayo eri a mu nibanja nahu na echikhulupililo.

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.